මානිප්පායිි පොලිස් වසමේ සංදිලිප්පායි හින්දු විද්‍යාලය අසලදී මාරක රිය අනතුරක් සිදු වී තිබේ.
ඊයේ(03) සවස් කාලයේ සංදිලිප්පායි දෙස සිට ඉලවායි දෙසට ධාවනය වූ යතුරු පැදියක් මාර්ගයේ දකුණට හැරවීමට යාමේදි පසුපසින් පැමිණි යතුරුපැදියක ගැටී අනතුර සිදුව ඇති බව පොලීසිය පවසයි.
පසුපසින් පැමිණි යතුරුපැදිකරුට සිය යතුරුපැදිය පාලනය කරගැනීමට නොහැකිව මාර්ගයෙන් ඉවතට ලිස්සා ගොස් දුරකථන රැහැන් කණුවක ගැටී අනතුර සිදුව තිබේ.
අනතුරින් යතුරුපැදිකරු බරපතළ තුවාල ලබා චංකානි ප්‍රාදේශීය රෝහලට ඇතුළත් කිරීමෙන් පසු මියගොස් ඇත.
මියගොස් ඇත්තේ අවුරුදු 19ක් වූ සිලාලෙයි ප්‍රදේශයේ පදිංචි පාසල් ශිෂ්‍යයෙකි.
මෘත ශරීරය චංකානි රෝහලේ තැන්පත්කර ඇති අතර මානිප්පායිි පොලීසිය වැඩිදුර විමර්ශන සිදුකරනු ලබයි.