යුක්‍රේනය ක්‍රිමියාවේ රුසියානු නැව් අළුත්වැඩියා කිරීමේ කඳවුරකට ප්‍රහාරයක් දියත් කර තිබේ.
ඉන් රුසියානු යුද නැව් දෙකකට හානි සිදුවී ඇති බව පැවසෙයි.
යුක්‍රේන සන්නද්ධ හමුදා කෲස් මිසයිල 10ක් සහ මිනිසුන් රහිත බෝට්ටු 3කින් රුසියාව සිය කළු මුහුදේ බලඇණියේ අලුත්වැඩියා කඳවුරක් ලෙස භාවිතා කරන Sevastopol හි Sergo Ordzhonikidze නැව් අංගනයට ප්‍රහාර එල්ල කළ බව රුසියාවේ ආරක්ෂක අමාත්‍යාංශය තහවුරු කරයි.
එමෙන්ම ගුවන් ආරක්ෂක හමුදා මිසයිල හතක් බිම හෙළූ බවත්, මුර සංචාර නෞකාව වන Vasily Bykov විනාශ කළ බවත් රුසියාවේ ආරක්ෂක අමාත්‍යාංශය පවසයි.
ප්‍රහාරයෙන් රුසියානු යුද නෞකා දෙකකට හානි වී 24 දෙනෙකු තුවාල ලබා ඇති බවද රුසියානු බලධාරීහු තහවුරු කර තිබේ.