යතුරුපැදි සොරාගෙන එම යතුරුපැදි කොටස්කර විකුණන පුද්ගලයන් දෙදෙනෙකු වත්තල ප්‍රදේශයේ දී අත්අඩංගුවට ගෙන තිබේ.
වත්තල දික්ඕවිට ප්‍රදේශයේ දී යතුරුපැදියකින් ගමන් කරමින් සිටි සැක කටයුතු පුද්ගලයෙකු පරික්ෂා කර කිරීමේදී අයිස් මත්ද්‍රව්‍ය ග්‍රෑම් 02යි මිලිග්‍රෑම් 870ක් සොයා ගත් බව පොලිසිය පවසයි.
ඔහුගෙන් සිදුකළ වැඩිදුර ප්‍රශ්න කිරීම්වලදී අනාවරණය වී ඇති පරිදි සැකකරු පැමිණි යතුරුපැදිය සීදුව ප්‍රදේශයෙන් සොරා ගෙන ඇති අතර තවත් යතුරුපැදියක ගලවන ලද කොටස් සමඟ ඊට සම්බන්ධ පුද්ගලයෙකු ද අත්අඩංගුවට ගෙන තිබේ.
අත්අඩංගුවට ගත් සැකකරුවන් වයස අවුරුදු 25 සහ 26 යන වයස්වල පසුවන අතර ඔවුන් උස්වැටකෙයියාව සහ හැඳල ප්‍රදේශයේ පදිංචිකරුවන් බව සඳහන් වෙයි.
සැකකරුවන් අද (18)දින වැලිසර මහේස්ත්‍රාත් අධිකරණය වෙත ඉදිරිපත් කිරීමට නියමිතය.