සහල් ඇතුළු අත්‍යවශ්‍ය භාණ්ඩ පිටරටින් ගෙන්වීමට රජය තීරණය කර ඇතැයි ජනාධිපති මෛත්‍රීපාල සිරිසේන මහතා පවසයි.
ගල්ගමුවේදී පැවති උත්සවයක් අමතමින් ජනාධිපතිවරයා සදහන් කළේ නියං තත්ත්වයෙන් ජනාතාව මුහුණ දී සිටින පීඩාව අවම කිරීම සදහා මෙම තීරණය ගත් බවයි.
මියන්මාරයෙන් සහ පාකිස්තානයෙන් සහල් මෙටි‍්‍රක් ටොන් ලක්‍ෂ දෙකක් ළඟදීම ගෙන්වන බව කී ජනාධිපතිවරයා තායිලන්තයෙනුත් සහල් තොග ගෙන්වීමට ඇනවුම් කර තිබෙන බව ප‍්‍රකාශ කළේය.
“නියඟය නිසා රටේ සහල් නිෂ්පාදනය සියයට පනහකින් වැටිලා. සියයට 50ක පසුබෑමක්. බොහෝ ප‍්‍රදේශවලට කන්න දෙකකින් වතුර නැහැ. වෙළෙඳපොලේ සහල් මිල වගේම එළවළු මිලත් ඉහළ ගිහිල්ලා. මේකෙ ප‍්‍රතිඵලයක් විදියට ජීවන වියදම ඉහළ ගිහින් තිබෙනවා“ යැයිද ජනාධිපතිවරයා එහිදී කියා සිටියේය.