බොදුබල සේනා මහ ලේකම් පූජ්‍ය ගලගොඩඅත්තේ ඥාණසාර හිමියන් අත්අඩංගුවට ගන්නැයි කොළඹ කොටුව මහෙස්ත්‍රාත් අධිකරණය අද (15) වරෙන්තු නිකුත් කර තිබෙනවා.
ඒ කුරාණයට අපහාස වන අයුරින් මාධ්‍ය වෙත ප්‍රකාශයක් සිදු කිරීම, හා ජාතික බල සේනා සංවිධානය පැවැත්වූ මාධ්‍ය හමුවකට බලහත්කාරයෙක් ඇතුළු වීම යන සිද්ධි දෙකට අදාලව පැවැත්වෙන නඩු විභාගයට පෙනී නොසිටීම හේතුවෙන්
එම නඩු අද (15) කැඳවූ අවස්ථාවේ ඥාණසාර හිමියන් අධිකරණයේ පෙනී සිටියේ නැහැ. උන්වහන්සේ නීතිඥවරයෙකු මාර්ගයෙන් අධිකරණයට දැනුම් දුන්නේ පවතින මරණ තර්ජන හේතුවෙන් අධිකරණයට නොපැමිණෙන බවයි.
කරුණු සලකා බැලූ කොළඹ කොටුව මහේස්ත‍්‍රාත් ලංකා ජයරත්න, ඥාණසාර හිමියන් අත්අඩංගුවට ගැනීමට වරෙන්තු නිකුත් කළා. අදාළ නඩුව අගෝස්තු මස 10 වැනිදා යළි කැඳවීමට නියමිතයි.