ගාල්ල කරාපිටිය ශික්ෂණ රෝහලේ ප්‍රතිකාර ලබමින් සිටි බන්ධනාගාර රැඳවියෙක් පළා ගොස් තිබේ.
බන්ධනාගාර දෙපාර්තමේන්තුවේ මාධ්‍ය ප්‍රකාශක චන්දන ඒකනායක මහතා සඳහන් කරන්නේ, ගාල්ල බන්ධනාගාරයේ රඳවා සිටිය දී රෝගී තත්ත්වයක් හේතුවෙන් කරාපිටිය රෝහලට ඇතුළත් කළ රැඳවියෙක් මෙලෙස පළාගොස් ඇති බවය.
එම රෝහලේ 19වන වාට්ටුවේ ප්‍රතිකාර ලබමින් සිටිය දී අද (25) උදෑසන ඔහු පළා ගොස් තිබේ.
මෙම පුද්ගලයා මත්ද්‍රව්‍ය චෝදනාවකට වැරදිකරුවෙකු වී මාස දෙකක සිරදඬුවම් විඳිමින් සිටි අයෙකු බව චන්දන ඒකනායක මහතා පවසයි.