දුම්රිය දෙපාර්තමේන්තුව කඩිනමින් අධිකාරියක් බවට පත් කරන බව ප්‍රවාහන අමාත්‍ය ආචාර්ය බන්දුල ගුණවර්ධන මහතා අද (28)දින පාර්ලිමේන්තුවේ දී පැවසී ය.
ඔහු මේ බව කියා සිටියේ පාර්ලිමේන්තු මන්ත්‍රි කිංස් නෙල්සන් මහතා ඇසූ ප්‍රශ්නයකට පිළිතුරු දෙමිනි.
මෙහිදී ඔහු කියා සිටියේ මගී ප්‍රවාහනයට දුම්රිය 40ක් භාණ්ඩ ප්‍රවාහනයට 03 තෙල් ප්‍රවාහනයට දුම්රිය 08ක් ලෙස වෙන් වන බවයි.
දුම්රිය සේවය දෙපාර්තමේන්තුවක් වීම මත කඩිනමින් තීන්දු තීරණ ගැනීම සහ ක්‍රියාත්මක කිරීම අපහසු බව අමාත්‍යවරයා පෙන්වා දිය.
තවද දුම්රිය අධිකාරියක් කිරීමේ කාර්යය මෙහිදී වැදගත් බව පෙන්වා දුන් අමාත්‍යවරයා අවධාරණය කළේ, දුම්රිය අධිකාරීය පනතක් ඇති කිරීම වැදගත් බවයි.