සිරියානු දේශසීමාව ආසන්නයේ ගිනිකොනදිග තුර්කියේ ගාසියන්ටෙප් ප්‍රදේශයේ ප්‍රබල භූ කම්පනයක් සිදුවී තිබේ.
රික්ටර් මාපක 7.8 විශාලත්වයෙන් යුත් එම භූ කම්පනය හේතුවෙන් අවම වශයෙන් පුද්ගලයින් 10 දෙනෙකු ජීවිතක්ෂයට පත් වී ඇති බව විදෙස් මාධ්‍ය වාර්තා කරයි.
එම භූ කම්පනය එරට වේලාවෙන් පස්වරු 04:17ට (GMT 01:17) ගාසියන්ටෙප් නගරය ආසන්නයේ කිලෝමීටර් 17.9 (සැතපුම් 11) ගැඹුරකදී සිදු වී ඇතැයි එක්සත් ජනපද භූ විද්‍යා සමීක්ෂණ ආයතනය ප්‍රකාශ කර ඇත.
භූමිකම්පාව අන්කාරා අගනුවරට සහ තුර්කියේ ඇති අනෙකුත් නගරවලට සහ පුළුල් ප්‍රදේශයක් පුරා දැනී තිබේ.
ගොඩනැගිලි රැසක් කඩා වැටී ඇති අතර තවත් පිරිසක් ඒවා තුළ සිර වී සිටිය හැකි බවට විදෙස් මාධ්‍ය වාර්තා කර ඇත.
තුර්කිය පිහිටා ඇත්තේ, ලෝකයේ වඩාත් ම භූමිකම්පා නිරන්තරයෙන් සිදු වන කලාපයක වන අතර 1999 වසරේදී එරට වයඹ දෙසින් ඇති වූ බලවත් කම්පනයකින් 17,000කට වැඩි පිරිසක් මිය ගිය බව විදෙස් මාධ්‍ය වැඩිදුරටත් වාර්තා කර තිබේ.