ඊශ්‍රායල් – පලස්තීන ගැටුමට සාමකාමී විසඳුමකට ක්ෂණික මැදිහත්වීමක් කරන්නැයි එක්සත් ජාතීන්ගේ සංවිධානයෙන් ඉල්ලමින් පාර්ලිමේන්තුවේ අද (20)දින කල්තැබීමේ විවාදයක් පැවැත්වෙයි.
විවාදය සඳහා යෝජනාව ඉදිරිපත් කරන්නේ පාර්ලිමේන්තු මන්ත්‍රි උදය ගම්මන්පිල මහතායි.
ඒ අනුව, අද දිනයේ විවාදයට ගැනීමට නියමිතව තිබූ සමාගම් පනත හා මිනුම් ඒකක හා ප්‍රමිති සේවා පනත යටතේ නියෝග කිහිපයක් පිළිබඳ විවාදය කල් දමා තිබේ.
මේ අතර, ගාසා තීරයේ සිටින ශ්‍රී ලාංකිකයින් 17නා ආරක්ෂිතව ඊජිප්තුව වෙත යොමු කිරීමට පියවර ගනිමින් සිටින බව පලස්තීනයේ ශ්‍රී ලංකා නියෝජිත බෙනට් කුරේ මහතා පවසයි.
එම ශ්‍රී ලාංකිකයින් ආරක්ෂිතව සිටින බවට තහවුරු වී ඇති බව ඔහු සඳහන් කරයි.