මානව හිමිකම් ක්‍රියාකාරිකයෙකු ලෙසින් පෙනී සිටින රුකී ප්‍රනාන්දු නමැත්තා ඊයේ (01) ත්‍රස්ත විමර්ෂණ ඒකකය මගින් කටුනායක ගුවන්තොටුපලේ දී රදවාගෙන ප්‍රශ්න කිරීමට ලක්කර ඇත.
මෙම ප්‍රශ්න කිරීම හෙළාදැක ඇති රංජිත් කීර්ති තෙන්නකොන්ගේ ප්‍රධානත්වයෙන් යුතු කැෆේ සංවිධානය හා ශ්‍රී ලංකා මානව හිමිකම් කෙන්ද්‍රය නමින් හදුන්වාගන්නා රාජ්‍ය නොවන සංවිධානය, මෙය පසුගිය රජය සමයේ මානව හිමිකම් ක්‍රියාකාරීන්ට විදින්නට සිදු වූ ගැහැට හා බලපෑම් නැවත වරක් කරළියට පැමිණීමක් ලෙස හදුන්වා ඇත. ත්‍රස්තවාදීන් මර්දනය කිරීමේ නාමයෙන් මානව හිමිකම් ක්‍රියාකාරීන් මර්ධනය කිරීම වහා නවතා දමන ලෙස එම සංවිධාන රජයෙන් ඉල්ලා සිටියි.
ප්‍රබල කොටි නායකයකුව සිටි ගෝබි නමැති ත්‍රස්තවාදියා සගවා තබාගෙන රටින් පිටවීමට සහය ලබාදුන් චෝදනාව මත ත්‍රස්ත විමර්ෂය ඒකකය මගින් ඉකුත් 2014 ජූනි මසදී කිලිනොච්චියේදී රුකී ප්‍රනාන්දු නමැත්තා සහා ඔහුගේ ප්‍රධානියා වූ ප්‍රවීන් මහේෂන් නම් පූජකවරයා අත්අඩංගුවට ගෙන අධිකරණයට ඉදිරිපත් කර තිබිණි.
පසුගිය මානව හිමිකම් සැසිවාරයේදී මානව හිමිකම් කඩකිරීම් සම්බන්ධයෙන් ශ්‍රී ලංකා රජයට හා හමුදාවට එරෙහිව චෝදනා ගොණු කිරීම සදහා ජිනීවා ගිය රාජ්‍ය නොවන සංවිධාන ක්‍රියාකාරීන් සමග රුකී ප්‍රනාන්දු නමැත්තාද සහභාගී විය.