ප්‍රගීත් එක්නැළිගොඩ අතුරුදන්වීමට අදාළව අත්අඩංගුවට ගෙන රිමාන්ඩ් කළ බුද්ධි අංශ නිලධාරීන් 8 දෙනා නිදහස් කරන ලෙස ඉල්ලමින් ඔවුන් අත්අඩංගුවට ගෙන රිමාන්ඩ් කර අදට වසරක් පිරීමත් හේතුවෙන් කොටුවේ දුම්රිය නැවතුම්පළ ඉදිරිපිට විරෝධතාවයක් පැවැත්විණ.
බුද්ධි බලකා නිලධාරීන්ගේ පවුල් එකමුතුව විසින් මෙය සංවිධානය කර තිබුණු අතර අත්අඩංගුවේ පසුව බුද්ධි බළකා නිලධාරීන් 8 දෙනාගේ දරුවන් ඇතුළු පවුල්වල සාමාජිකයන් එයට එක්ව සිටියහ.
ගරු අගමැති මාමේ අපිට දුකයි, පාළුයි, අප්පච්චි ගෙදර එවන්න“ , “ මිනීමරු කොටින්ට නිදහස රණවිරුවන් සිරගෙට-මේකද යහපාලනේ“ , “ගරු අගමැතිතුමනි පවුල් 8 දරුවෝ 17 ස්වාමිපුරුෂයන් සිරගත කර වසරයි අපි කනහැටි ලිපා දනී“ යන වැකි ඇතුළත් ප්‍රදර්ශන පුවරු ඔවුන් ප්‍රදර්ශනය කළහ.
