Colombo Today Local News

වතුර බෝතලෙන් ගහපු ගැහිල්ල

පානිය ජල බෝතලයකින් වෙළෙඳසැල් හිමියන් ලබන අසීමාන්තික ලාභය හේතුවෙන් ශ්‍රී ලංකා ප්‍රමිතිගත ජල බෝතල් සංගමය ඒ සඳහා පාලන මිලක් යෝජනා කර තිබේ.

ඒ අනුව රුපියල් 100ක් වන මිලිලීටර් 500 පානිය ජල බෝතලය රුපියල් 70ක්, රුපියල් 150ක් වන ලීටරයේ බෝතලයක් රුපියල් 100ක්, රුපියල් 180ක් වන ලීටර් එක හමාරේ බෝතලය රුපියල් 130ක් සහ රුපියල් 450ක් වන ලීටර් 5 පානිය ජල’බෝතලය රුපියල් 300ක් විය යුතු බවට යෝජනා කර තිබේ.

“මේ හරහා සියයට 150 ලාභයක් අතරමැදියාට සහ සිල්ලර වෙළෙන්දාට ලැබෙන්නේ. මේ ලාභය නිෂ්පාදකයාට හිමි වෙන්නේ නෑ.” යැයි එම සංගමයේ සභාපති තිලක් මුණසිංහ පැවසීය.

සභාපතිවරයා මේ බව ප්‍රකාශ කළේ බොරලැස්ගමුව ප්‍රදේශයේ ඊයේ (02 වැනිදා) පැවැති මාධ්‍ය හමුවකදීය.

“පසුගිය කාලයේ අමුද්‍රව්‍ය සහ සේවාවන්වල මිල ඉහළ යෑම මත පානීය ජල බෝතල්වල මිලත් ඉහළ ගියා. ඉන් අනතුරුව අමුද්‍රව්‍ය සහ සේවාවන්හී මිල පහළ ගියත් සමහර වෙළෙඳ මහතුන්ගේ බලපෑම මත පානීය ජල බෝතල්වල මෙම මිලම පවත්වා ගෙන ගියා. මෙය ඇත්තෙන්ම නොවිය යුතු දෙයක්. මේ නිසා සංගමයක් ලෙස අපි තීරණය කළා මේ පිළිබඳ පාරිභෝගික සේවා අධිකාරිය සහ පාරිභෝගිකයා දැනුවත් කරලා මේ සඳහා මිල පාලනයක් ඇති කරන්න. ලංකාවේ පානීය ජල බෝතල් නිෂ්පාදන ආයතන 365ක් තිබුණත් මේ වනවිට ක්‍රියාත්මක වෙන්නේ ඉන් 165 පමණයි. මේ රට හොඳ දිශාවකට යන නිසා අපිත් තීරණය කළා පානීය ජල බෝතල් සඳහා යම් සහනදායී බවක් ලබා දෙන්න. මේ මිල යෝජනාව ක්‍රියාත්මක කිරීමට පාරිභෝගික කටයුතු පිළිබඳ අධිකාරියෙන් අපි ඉල්ලා සිටිනවා.”

Related posts

ගෝඨාභය බුද්ධි අංශ පවත්වාගෙන ගිය ක්‍රමවේදය යළි ස්ථාපිත කළ යුතුයි – හිටපු ඇමරිකන් තානාපති කියයි

colombotoday

ඥානසාර හිමි බන්ධනාගාරයට

colombotoday

කිරිඇල්ල, අශෝක්, හර්ෂ ද සිල්වා සහ තුෂාර ඉඳුනිල් මන්ත්‍රීවරු ස්වයං නිරෝධායනයට

colombotoday

කොළඹ රාජ්‍ය ආයතන 137ක ආරක්ෂාවට සිටින සිවිල් ආරක්ෂක බලකා සාමාජිකයින් ඉවත් කිරීමට පියවර

colombotoday

අධිකරණ සංශෝධන පනතේ කරුණු ව්‍යවස්ථාවට පටහැණියි… ශ්‍රේෂ්ඨාධිකරණය කතානායකට දන්වයි

colombotoday

කිරි කැටියා බිහි කල කොවිඩ් ආසාදිත මව දිවියට සමුදෙයි

colombotoday