විදේශ ණය ලබා ගැනීමේ ප්‍රධාන ම මාර්ගය වී තිබූ ජාත්‍යන්තර ස්වෛරීත්ව බැඳුම්කර ප්‍රතිව්‍යූහ ගත කිරීම කාල රාමුවක් පුරෝකතනය කළ නොහැකි අන්දමට කල් ගත වන බව හෙළි වී ඇත.
එම ණය ප්‍රතිව්‍යූහ ගත කිරීමට ශ්‍රී ලංකා රයට ඉදිරිපත් කර තිබූ සැලසුම ස්වෛරීත්ව බැඳුම්කර හිමියන් ප්‍රතික්ෂේප කර ඇත. මේ අතර වෙනත් වාර්තාවලින් හෙළිවන්නේ රාජ්‍ය තාන්ත්‍රික තලයේදී ණය ප්‍රතිව්‍යූහ ගත කිරීම පිළිබඳව ඇති කර ගන්නා ලද ගිවිසුම් ද ක්‍රියාත්මක කළ නොහැකි තත්වයක තිබෙන බව ය.
ස්වෛරීත්ව බැඳුම්කර ණය ප්‍රමාණය ඩොලර් බිලියන 17 ඉක්මවා තිබේ. එයින් ඩොලර් බිලියන 12.5කට වැඩි ප්‍රමාණයක් ලබා ගත්තේ 2015 – 2019 කාලයේදී රනිල් වික්‍රමසිංහ පාලනය යටතේ ය.