පසුගිය වසරේ සිදුකළ මෙහෙයුම් වලින් රුපියල් බිලියන15 කට අධික වටිනාකමින් යුත් මත්ද්‍රව්‍ය අත්අඩංගුවට ගෙන ඇතැයි නාවික හමුදාව පවසයි.
ඒ අනුව මෙරට සාගර කලාපය තුළ මෙන්ම ජාත්‍යන්තර මුහුදේ සිදු කළ වැටලීම් මගින් රුපියල් බිලියන 15.86 කට අධික වටිනාකමකින් යුත් අදාළ මත්ද්‍රව්‍ය තොග අත්අඩංගුවට ගත් බව නාවික හමුදාව සදහන් කරයි.
හෙරොයින් මත්ද්‍රව්‍ය කිලෝග්‍රෑම් 1,268ක් සමග සැකකරුවන් 141 දෙනෙකු හා කේරළ ගංජා කිලෝග්‍රෑම් 7,095 ක් සමග සැකකරුවන් 193 දෙනෙකු පසුගිය වසර තුළදී නාවික හමුදාව අත්අඩංගුවට ගෙන තිබේ.
අයිස් මත්ද්‍රව්‍ය කිලෝග්‍රෑම් 158 ක් සමග සැකකරුවන් 98 දෙනෙකු ද, ගංජා කිලෝග්‍රෑම් 69 ක් සමග සැකකරුවන් 27 දෙනෙකු ද, හෂීස් මත්ද්‍රව්‍ය කිලෝග්‍රෑම් 88ක් සමග සැකකරුවන් 09 දෙනෙකු ද , පසුගිය වර්ෂයේදී අත්අඩංගුවට ගත් බව තව දුරටත් සදහන් කර සිටි.