Colombo Today Local News

රැම්සා තෙත් බිමේ සිටවූ කඩොලාන පැළ 1000ක් ගලවා විසිකරලා

ලෝක තෙත් බිම් දිනය නිමිත්තෙන් ආනවිළුන්දාව රැම්සා තෙත් බිමෙහි සිටුවන ලද කඩොලාන පැළ 1000කට වැඩි ප්‍රමාණයක් කිසියම් පිරිසක් විසින් ගලවා විනාශ කර දමා ඇතැයි ආනවිළුන්දාව වන ජීවී කාර්යාලය කියයි.

ඉකුත් පෙබරවාරි 02 වැනි දිනට යෙදී තිබුණු ලෝක තෙත් බිම් දිනය වෙනුවෙන් වන ජීවී සංරක්ෂණ දෙපාර්තුමේන්තුව විසින් සංවිධානය කර තිබූ මෙම ජාතික උත්සවය එදින ආනවිළුන්දාව තෙත් බිමේදී පැවැත්විණි.

මෙම ස්ථානය නිරීක්ෂණයට අද එහි ගිය වන ජීවී නිලධාරින්ට මෙම කඩොලාන පැළ ගලවා දමා ඇති අයුරු දක්නට ලැබුණු අතර එයින් විනාශ වී මිය ගොස් නොතිබුණු පැළ යලි රෝපණය කිරීමට ඔවුහු කටයුතු කළහ. මේ පිළිබදව ආරච්චිකට්ටුව පොලීසියට පැමිණිලි කරන බව ද වන ජීවී නිලධාරීහු සඳහන් කළහ.

වනජීවි රාජ්‍ය ඇමැති විමලවීර දිසානායක මහතාට අමතරව පුත්තලම දිස්ත්‍රික්කය නියෝජනයකරමින් වාරිමාර්ග හා ජල කළමනාකරණ රාජ්‍ය ඇමැති සනත් නිශාන්ත පෙරේරා මහතා සමඟ පුත්තලම දිස්ත්‍රික් සම්බන්ධීකරණ කමිටු සභාපති පාර්ලිමේන්තු මන්ත්‍රී අශෝක ප්‍රියන්ත, පිරිසර හා වන ජීවී ආමාත්‍යංශ ලේකම්වරුන්, වන ජීවී අධක්ෂ ජනරාල් ඇතුළු පිරිසක් කඩොලාන පැළ සිටවීමට එදින එක් වී සිටියහ.

මීට කලකට පෙර ඉස්සන් වගාවක් යොදාගෙන තිබූ මෙම බිම් කොටස් යලි රජයට පවරාගෙන මෙම කඩොලාන සිට වූ අතර එම බිම් කොටස්වලින් කොටසක් තමන්ට ලබා දෙන ලෙස ඉල්ලා මුතුපන්තියේ ධීවරයෝ පිරිසක් මෙදින විරෝධතාවයක ද නියැලුණහ.

Related posts

පොලිස් නිලධාරීන්ට පහරදුන් තුනක් අත්අඩංගුවේ

Admin

ඥානසාර හිමිට විරුද්ධව දේශපාලන හස්තයක් – අළුත්ගම සිද්දියට නඩු දාන්න නීතිපති උපදෙස් පතයි

colombotoday

නව ඛනිජ තෙල් මිල සංශෝධනය

Admin

පොහොර බෑගයක් තුළ සිහිසුන්ව සිටි තරුණයෙක් රෝහලට ඇතුළත් කරයි

colombotoday

චම්පිකට විජයමුණිට එජාප සංවිධායක ධුර

colombotoday

රණවිරුවන්ට එරෙහි අධිකරණ තැනෙද්දී රණවිරුවන් සහභාගි කරගෙන නිදහස්‌ උත්සව සැමරිය හැකිද? රියර් අද්මිරාල් සරත් වීරසේකර

colombotoday