හිටපු එක්සත් ජාතික පක්ෂ පාර්ලිමේන්තු මන්ත්‍රී නීතීඥ දිනේෂ් ඩී. දොඩංගොඩ මහතාට පෙරේදා (24) දරුණු පහරදීමක් සිදු කළ ඉසිර අසේල දිසානායක අධිකරණයට ඉදිරිපත් කිරීමෙන් පසුව දින 14ක කාලයකට රිමාන්ඩ් බන්ධනාගාරගත කර තිබේ.
සැකකරු, දිනේෂ්ට පහරදීමෙන් පසුව හිටපු පාර්ලිමේන්තු මන්ත්‍රීනී – රෝසි සේනානායක මහත්මියගේ සහය ඇතිව කළුබෝවිල රෝහලට ඇතුළත්ව ප්‍රතිකාර ලබමින් සිටියේය.
ඔහුට නේවාසිකව ප්‍රතිකාර ලබා ගැනීමට තරම් අසනීප තත්ත්වයක් නොවීම හේතුවෙන් ඔහුව රෝහලෙන් මුදා හැරීමෙන් පසුව පොලිසිය සැකකරු අධිකරණයට ඉදිරිපත් කර තිබිණි.
කෙසේවුද, සැකකරු රිමාන්ඩ් බන්ධනාගාරගත කිරීමෙන් පසුව ඔහුව බන්ධනාගාර රෝහලට රැගෙනයන ලෙස හිටපු පාර්ලිමේන්තු මන්ත්‍රීනී රෝසි සේනානායක මහත්මිය බන්ධනාගාර නිලධාරීන්ට බලපෑම් කරමින් සිටින බව ශ්‍රී ලංකා මිරර් වෙත වාර්තා වේ.
srilankamirror.com
