පළාත් පාලන මැතිවරණය සේම ඉදිරි මහ මැතිවරණයද කල් දැමීමට ආණ්ඩුව කටයුතු කිරීමට ඉඩ ඇතැයි ඒකාබද්ධ විපක්‍ෂය සැක පළ කළේය.
කෙසේවෙතත් ආණ්ඩුව පැවසුවේ පළාත් පාලන මැතිවරණය ලබන වසරේ මුල් භාගයේදී පැවැත්වීමට හැකිවනු ඇති බවය.
මෙම අදහස් පළ වුණේ පාර්ලිමේන්තුවේදී ඊයේ (25) පස්වරුවේ විවාදයට ගැණුනු පළාත් පාලන මැතිවරණය වහා පැවැත්විය යුතු බවට වන කල්තැබීමේ යෝජනාවේදීය.
මේ අතර වාචික පිළිතුරු අපේක්‍ෂාවෙන් යොමු කරන ප‍්‍රශ්න සදහා පිළිතුරු ලබාදෙන අවස්ථාවේ ආණ්ඩු පක්‍ෂයේ අමාත්‍යවරුන් සභා ගර්භයේ නොසිටීම සම්බන්ධයෙන්ද පාර්ලිමේන්තුවේදී ඊයේ (25) කතාබහක් ඇති විය.