Colombo Today Local News

ජල මූලාශ්‍ර වැනසීමේ වාර්තාව යහපාලනයට !

sinharaja23ශ්‍රී ලංකාවේ ජල මූලාශ්‍ර ජෛව පරිසර පද්ධති වනසමින් ඉදිකරන කුඩා ජල විදුලි බලාගාර සඳහා වැඩිම බලපත්‍ර ප්‍රමාණයක් නිකුත් කර ඇත්තේ යහපාලන ආණ්ඩුව විසින් බව අනාවරණය වී තිබේ.

කුඩා ජල විදුලි බලාගාර ඉදිකිරීම සම්බන්ධයෙන් විශේෂ විමර්ශනයක යෙදුණු මහාචාර්ය අයිවන් සිල්වා මහතා විසින් නිකුත් කර ඇති වාර්තාවක මේ බව පෙන්වා දී ඇත.

එකී වාර්තාවෙන් වැඩිදුරටත් පෙන්වා දී ඇත්තේ මේ වන විට මෙරට කුඩා ජල විදුලි බලාගාර 145 ක් ක්‍රියාත්මක වන බවයි.

තවත් ජල විදුලි බලාගාර 73 කට බලපත්‍ර ලබා දී ඒවා වැඩ නිම කිරීම සඳහා යෝජිත තත්ත්වයේ පවතින බව ද අයිවන් සිල්වා මහතා පෙන්වා දී ඇත.

මේ අතර මධ්‍යම පරිසර අධිකාරියේ සභාපතිවරයා 2016 අගෝස්තු මස 07 වන දින පුවත්පතකට කියා තිබුණේ කුඩා ජල විදුලි බලාගාරඉදිකිරීම සඳහා මෙරට තවදුරටත් විභවයක් නොපවතින බවයි.

තත්ත්වය එසේ වුව ද දින සියයේ ආණ්ඩුව තුළත් යහපාලන සම්මුතිවාදී ආණ්ඩුව තුළත් කුඩා ජල විදුලි බලාගාර ඉදිකිරීම සඳහා සමාගම් රැසකට බලපත‍්‍ර නිකුත් කර ඇත.

මෙම බලාගාර ඉදිකිරීමේ කටයුතු ජනතා විරෝධයන් නොතකා සිදු වෙමින් පවතින අතර ඉකුත් ආණ්ඩුවේත් වත්මන් ආණ්ඩුවේත් මැති ඇමැතිවරු රැසක් ඊට දායක වී ඇත.

සිංහරාජය, මන්දාරම් නුවර, දෙල්ලව යන ප‍්‍රදේශවලත් රත්නපුරය, කෑගල්ල, මාතර යන දිස්ති‍්‍රක්කවලත් මේ වන විටත් කුඩා ජල විදුලි බලාගාර ඉදිකිරීමේ කටයුතු ආරම්භ වී ඇත.

මේ නිසා මෙරටට ආවේණික මත්ස්‍ය විශේෂ, ජලජ ශාක සහ අධිසංවේදී ජෛව පද්ධති රැසක් විනාශ වී යමින් පවතී.

මේ සියල්ලම සිදු වෙමින් ඇත්තේ වත්මන් ජනාධිපති මෛතී‍්‍රපාල සිරිසේන මහතා යටතේ පරිසර අමාත්‍යාංශය ඇතුළු වගකිවයුතු ආයතන පැවැතියදීය.

Related posts

“මුස්ලිම් තරුණයන් අවි අතට ගන්නවා“ හිස්බුල්ලාගේ කතාවට බොදු බලෙන් අමුතු ප්‍රතිචාරයක් !

colombotoday

ලොව පුරා කොරෝනා ආසාදිතයින් සංඛ්‍යාව දෙකෝටි දහතුන් ලක්ෂය ඉක්මවයි

colombotoday

පාස්කු ප්‍රහාරයෙන් පසු නවතා දමා තිබු පකිස්තානු මක්තබ් මද්‍රසා යලි ආරම්භ කිරීමට උලමා සභාව සුදානමින්

colombotoday

කඩා දැමූ මංතිරු හදා දෙන බව ජෝන් ඇමති කියයි.. හදන්නේ අප්පගේ බූදලෙන්දැයි නොකියයි

colombotoday

නාරගල දී වාහන හතරක් එකට ගැටෙයි

Admin

තවත් යුද හමුදා බුද්ධි නිලධාරීන් 38ක් CIDයට

colombotoday