ඉරාකයේ බැග්ඩෑඩ් නුවරට මරාගෙන මැරෙන බෝම්බ ප්‍රහාර 2ක් එල්ල වී තිබෙන බව විදෙස් මාධ්‍ය වාර්තා කරනවා
මධ්‍යම බැග්ඩෑඩ්හි ද්විත්ව මරාගෙන මැරෙන බෝම්බ ප්‍රහාරවලින් 13 දෙනෙක් මිය ගොස් තිබෙන බවත් 30 දෙනෙකුට වැඩි පිරිසක් තුවාල ලබා ඇති බවත් බලධාරීහු පවසනවා
හමුදා ප්‍රකාශකයෙකු සඳහන් කර තිබෙන්නේ , ආරක්ෂක අංශ විසින් ඔවුන් ලුහුබඳිමින් සිටියදී, බෝම්බකරුවන් බබ් අල්-ෂාර්කි හි ටයාරන් චතුරශ්‍රයේ පිහිටි ඇඳුම් වෙළඳපොලක දී මෙය පුපුරා ගිය බවයි.
එය 2018 ජනවාරි මාසයෙන් පසු නගරයේ සිදු වූ පළමු මාරාන්තික මරාගෙන මැරෙන ප්‍රහාරය මෙය බවද වාර්තා වනවා
වෛද්‍ය ආරංචි මාර්ග ඒඑෆ්පී ප්‍රවෘත්ති ඒජන්සියට පවසා ඇත්තේ නිල වශයෙන් ප්‍රකාශයට පත් කළ මරණ සංඛ්‍යාව දෙගුණයක් විය හැකි බවයි.
මාරාන්තික ප්‍රහාරයට ප්‍රතිචාර දැක්වීම සඳහා අගනුවර පුරා වෛද්‍යවරුන් බල මුලු ගැන්වූ බව එරට සෞඛ්‍ය අමාත්‍යාංශය පවසනවා
හමුදා ප්‍රකාශක යාහියා රසූල් කියා සිටියේ මරාගෙන මැරෙන බෝම්බකරුවන් දෙදෙනෙකු ආරක්ෂක අංශ විසින් ඔවුන් පසුපස හඹා යමින් සිටියදී පුපුරණ ද්‍රව්‍ය පුපුරවා හැර ඇති බවයි.