වැඩිම විදේශ ණය මුදලක් ගෙවීමට ඇත්තේ 2022 වසරේ වන අතර එම මුදල රුපියල් බිලියන 832ක් බව මුදල් හා ප්‍රාග්ධන වෙළෙඳපොළ රාජ්‍ය ඇමැති අජිඩ් නිවාඩ් කබ්රාල් පවසයි.
ගෙවීමට ඇති විදේශ ණය සම්බන්ධයෙන් වාර්තාවක් පාර්ලිමේන්තුවට ඉදිරිපත් කරමින් ඇමැතිවරයා සඳහන් කර ඇත්තේ 2020 වර්ෂයට වඩා 2021 වර්ෂයේ ගෙවීමට ඇති විදේශ ණය රුපියල් බිලියන 34ක් අඩුවී ඇති බවයි.
ඒ අනුව 2020දී විදේශ ණය හා පොලී වශයෙන් බිලියන 760ක් ගෙවීමට තිබූ අතර මෙම වර්ෂයේදී (2021) එය බිලියන 726ක් බව සඳහන් කර ඇත.
මෙකී තත්ත්වය මත 2022දී ගෙවීමට ඇති මුදල මෙම වර්ෂයට (2021) වඩා බිලියන 106කින් වැඩි වී ඇත.