හෙරොයින් කිලෝග්‍රෑම් එකකට අධික ප්‍රමාණයක් සහ රුපියල් 350,000කට අධික මුදල් සමග මාකොළ ප්‍රදේශයේදී සැකකරුවන් දෙදෙනෙකුව අත්අඩංගුවට ගෙන ඇති බව වාර්තා වේ.
පොලිස් විශේෂ කාර්ය බළකායේ නිලධාරීන් විසින් එම සැකකරුවන් දෙදෙනා ව අත්අඩංගුවට ගෙන තිබේ.
පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ මහතා සඳහන් කළේ අදාළ සැකකරුවන් සතුව තිබූ ත්‍රිරෝද රථයක්ද පොලිස් විශේෂ කාර්ය බළකා භාරයට ගෙන ඇති බවය.
ඔහු තවදුරටත් පැවසුවේ ඒ අනුව, සතියක් තුළ මත්ද්‍රව්‍ය කිලෝ 15ක් පමණ අත්අඩංගුවට ගෙන ඇති බවය.