Colombo Today Local News

යුද්ධයේදී මිය ගිය එල්ටීටීඊ සාමාජිකයන් සැමරූ අයෙක් කල්කුඩා වෙරළේදී අත්අඩංගුවට

යුද්ධයේදී මිය ගිය එල්ටීටීඊ සාමාජිකයන් සමරමින් මඩකලපුව කල්කුඩා වෙරළ තීරයේ සැමරුම් උත්සවයක නිරත වෙමින් සිටි පුද්ගලයකු අද (18)දින පෙරවරුවේ කල්කුඩා පොලීසිය අත්අඩංගුවට ගෙන තිබේ.

මොහු අද පෙරවරුවේ කල්කුඩා වෙරළ තීරයේ තවත් පුද්ගලයන් 8 දෙනකු සමඟ එක්ව මුහුදට මල් දමා වෙරළ තීරයේ පහන් දල්වමින් සිටියදී කල්කුඩා පොලීසියට ලැබුණු තොරතුරක් අනුව පොලිස් කණ්ඩායමක් අදාළ ස්ථානයට ගොස් සැකකරු අත්අඩංගුවට ගෙන තිබිණි.

අත්අඩංගුවට ගන්නා අවස්ථාවේ මොවුන් සියලු දෙනා ම කළු පැහැති ඇඳුම් ඇඳගෙන සිටි බවද පොලිසිය කියයි .

මියගිය එල්ටීටීඊ සාමාජිකයින් සැමරුම් උත්සව කිහිපයක් මඩකලපුව කොට්ටාශයේ සිදුකිරීමට සිදු කිරීමට නියමිත බවට පොලීසියට ලැබුණු තොරතුරකට අනුව එය වළක්වමින් පුද්ගලයන් 28 දෙනකුට අධිකරණ නියෝග ලබාගෙන තිබිණි.

අත්අඩංගුව ගත් එම සැකකරු ද අධිකරණයෙන් තහනම් නියෝග ලැබ සිටි පුද්ගලයකු බව ද පොලීසිය පවසයි . මෙම අධිකරණ නියෝගය සම්බන්ධයෙන් සැකකරු දැනුවත් කර ඔහුගේ නිවසේ ද එම නියෝගය අලවා තිබියදී සැකකරු ඒ බව නොතකා මෙම සැමරුම් උත්සවය සංවිධානය කර ඇති බවද පොලිසිය කියයි.

මෙම සැකකරු ත්‍රස්තවාදය වැළැක්වීමේ ආඥා පනත යටතේ අත්අඩංගුවට ගෙන තිබිණි

Related posts

ඉන්දියාවෙන් පැන ආ තවත් පවුලක් ගුරුනගර් වලදී අල්ලයි

colombotoday

14 වැනිදාත් පාර්ලිමේන්තුව කල් දමනවා… බහුතරය පෙන්වීමක් නෑ….

colombotoday

ශ්‍රී ලංකා රජයට එරෙහිව ඇති සියලු යුද අපරාධ චෝදනා ඉවත් කිරීමට දෙමළ ඩයස් පෝරාව සුදානම්

colombotoday

පිළිකා, හෘද රෝග නසන්න හැකි තරම් කොස් කන්න…

colombotoday

ජපානයේ ආගමික වැඩසටහන අවලංගුයි.. ඥාණසාර හිමි රටින් නොයයි..

colombotoday

අපේ ඉල්ලීම්වලට සජිත්ගේ ප්‍රතිපත්ති ප්‍රකාශයෙන් සාධාරණය ඉටු වෙනවා – සම්බන්ධන්

colombotoday