ඉන්දියාවේ වයස අවුරුදු 18 ට වැඩි සියලු පුද්ගලයින් සඳහා කොවිඩ් මර්දන එන්නත ලබාදීමට එරට සෞඛ්‍ය බලධාරීන් තීරණය කර තිබේ.
එරට එන්නත් ලබාදීම පුළුල් කිරීමේ වැඩසටහන යටතේ එම පිරිස සඳහා මැයි මස පළමුවනදා සිට එන්නත්කරණය සිදු කිරීමට නියමිත බව විදෙස් මාධ්‍ය වාර්තා කළේය.
කෙසේවෙතත් එන්නත් මාත්‍රා මිලියන 27 ක් පමණක් පවතින බවට ඉන්දීය රජය විසින් පසුගියදා ප්‍රකාශයට පත්කළ අතර මහරාෂ්ට්‍ර ප්‍රාන්තය ඇතුළු ප්‍රාන්ත රැසකටම එන්නත් සැපයීමේ ගැටලු මතුව ඇති බව සඳහන් වේ.
එන්නත් නිෂ්පාදන සමාගම් පවසන්නේ අමුද්‍රව්‍ය හිඟවීම හේතුවෙන් වෙනත් රටවල ඉල්ලුමට සාපේක්ෂව එන්නත් සැපයීමේ තත්ත්වයක් මේ වන විට උද්ගතව පවතින බවය.
ඊයේ (19) දිනය තුළ ඉන්දියාවේ දෛනික ආසාදිතයින් 256,947ක් වාර්තා වී ඇති අතර, සිදුව ඇති දෛනික මරණ සංඛ්‍යාව 1,757කි.