ශ්‍රී ලංකා ක්‍රිකට් කණ්ඩායමට දඩ පැනවීමට ICCය පියවර ගෙන තිබේ.
ඒ, බටහිර ඉන්දීය කොදෙව් කණ්ඩායම සමඟ නිමා වූ තුන්වන එක් දින තරගයේදී මන්දගාමී පන්දුවාර වේගයක් පවත්වාගෙන යාම හේතුවෙන්.
මේ අනුව ශ්‍රී ලංකා කණ්ඩායමට තරඟ ගාස්තුවෙන් සියයට 40ක දඩයක් නියම කිරීමටයි ICCය තීරණය කර ඇත.
තරග තීරක රිචී රිචඩ්සන් විසින් ICCයට පැමිණිලි කර ඇත්තේ ශ්‍රී ලංකා කණ්ඩායම නියමිත කාලය අවසන් වන විට පන්දුවාර 02ක් අඩුවෙන් යවා තිබූ බවයි.
එමෙන්ම මෙම තරගයේදී ධනුෂ්ක ගුණතිලක විසින් ජගත් ක්‍රිකට් කවුන්සිලයේ ආචාර ධර්ම පද්ධතියේ වගන්තියක් උල්ලංඝණය කර ඇති බවත් ICCය පවසයි.