වැට් බද්ද ඉහළ නැංවීම සිදුකර ඇත්තේ කෙටි කාලයකට පමණක් බව වැඩබලන මුදල් අමාත්‍ය ලක්‍ෂ්මන් යාපා අබේවර්ධන මහතා ඊයේ (6) රජයේ ප‍්‍රවෘත්ති දෙපාර්තමේන්තුවේදී පැවති මාධ්‍ය හමුවක් දී පැවසීය.
මෙම වසරේදී ලැබෙන්නට නියමිත ජාත්‍යන්තර මූල්‍ය අරමුදලේ, ලෝක බැංකුවේ හා ආසියානු සංවර්ධන බැංකුවේ ණය මුදල්, ජපානයෙන් හා කොරියාවෙන් ලැබෙන්නට නියමිත ආධාර හා ණය මුදල් ආදිය ලැබීමෙන් පසු වැට් බද්ද සියයට 12ක් පමණ දක්වා අඩු කිරීමට හැකිවේයැයි විශ්වාස කරන බව ද ඇමතිවරයා කීවේය.