මුදල් වංචා කර ඇතැයි ජනතා විමුක්ති පෙරමුණේ ඌව පළාත් මන්ත‍්‍රීවරයෙකු වන සමන්ත විද්‍යාරත්න මහතා කළ චෝදනාවකට ඔහු ඉදිරිපිටදීම ඌව මහඇමති චාමර සම්පත් දසනායක මහතා ඊයේ (18) පිළිතුරු ලබාදුන්නා. ඒ, සමන්ත විද්‍යාරත්න මහතාට ශාප වන ලෙස දෙවියන් ඉදිරියේ මිරිස් අඹරා පොල් ගසන බවද පවසමින්.
ඌව මහඇමති චාමර සම්පත් දසනායක මහතා අදාළ මුදල් වංචාව සිදුකර තිබෙන්නේ පෙර පාසල් දරුවන්ට බෑග් ලබාදීමේ ව්‍යාපෘතියකදී බව සමන්ත විද්‍යාරත්න මහතා කියා සිටියා.
අනුග්‍රාහක මුදල් පළාත් සභාවේ පොදු ගිණුමකට බැර කරනවා වෙනුවට තමන්ගේ පෞද්ගලික ගිණුමකට බැර කරගැනීමෙන් මහඇමතිවරයා මෙම වංචාව සිදුකර ඇති බවයි ඔහු වැඩිදුරටත් පැවසුවේ.
බදුල්ල රිදීමාලියද්ද මහා විද්‍යාලයේ ඊයේ (18) පැවති උත්සවයකදී ඌව මහඇමති චාමර සම්පත් දසනායක මහතා මීට ප්‍රතිචාර දැක්වූවා.