ශ්‍රී ලංකාවේ දිගු කාලීන ස්වෛරී ණය ශ්‍රේණිගත කිරීමේ අගය CCC+ සිට CCC දක්වා පහත දමා තිබේ.
ස්ටෑන්ඩර්ඩ් ඇන්ඩ් පුවර්ස් ජාත්‍යන්තර ණය ශ්‍රේණිගත කිරීමේ ආයතනය මෙම තීරණයට එළඹ ඇත්තේ, බාහිර ණය සේවාකරණය සම්බන්ධයෙන් ඇති අවදානම සලකා බලායි.
මෙම ණය ශ්‍රේණිගත කිරීම පහළ හෙළීම හරහා ශ්‍රී ලංකාවේ ඉදිරි විදේශ ණය ගෙවීම් සහ සංචිත මට්ටම පීඩනයකට ලක්ව ඇති බව ස්ටෑන්ඩර්ඩ් ඇන්ඩ් පුවර්ස් ජාත්‍යන්තර පෙන්වා දෙයි.
ශ්‍රී ලංකා මහ බැංකුව ඊට ප්‍රතිචාර දක්වමින් නිවේදනය කළේ, ලබන ජනවාරි 18 වන දින කල් පිරෙන ජාත්‍යන්තර ස්වෛරී බැඳුම්කරය පියවීම සඳහා අවශ්‍ය මුදල වෙන්කර ඇති බවයි.
එවන් පසුබිමක, මෙලෙස ණය ශ්‍රේණිගත කිරීම්වල පහළ අගයකට ශ්‍රී ලංකාව ගෙන ඒමට ස්ටෑන්ඩර්ඩ් ඇන්ඩ් පුවර්ස් ආයතනය කටයුතු කිරීම ආසාධාරණ බව එම නිවේදනයේ සඳහන් ය.