නැගෙනහිර පළාතේ මාංශ අලෙවිසැල් සතියක කාලසීමාවක් සඳහා වසා දැමීමට පළාත් පාලන දෙපාර්තමේන්තුව තීරණය කර තිබේ.
ඒ අනුව අද (12)දිනයේ සිට එළඹෙන (18) වනදා දක්වා කාලය තුළ නැගෙනහිර පළාතේ සියලුම මස් අලෙවිසැල් වසා තැබෙනු ඇති.
කෙසේ වෙතත් කුකුළු මස් අලෙවිසැල් සඳහා මෙම තීරණය අදාළ නොවන බවද පළාත් පාලන දෙපාර්තමේන්තුව නිකුත් කළ නිවේදනයේ වැඩිදුරටත් සඳහන් ව ඇත.
අයහපත් කාලගුණික තත්ත්වය හේතුවෙන් නැගෙනහිර පළාතේ සත්ව මරණ රැසක් වාර්තා වූ අතර එම සතුන්ගේ මාංශ මිනිස් පරිභෝජනය සඳහා අලෙවිකිරීමේ අවදානමක් පැවතීම හේතුවෙන් මෙම තීරණය ගෙන ඇති බව එහි වැඩිදුරටත් සඳහන් වෙයි.