මෙරටින් තල් රා බෝතල් 25,000ක් අඩංගු බහාලුමක් ප්‍රංශයට අපනයනය කර ඇති බව තල් සංවර්ධන මණ්ඩලය පවසයි.
එම අපනයනයෙන් ඩොලර් 45,000ක පමණ මුදලක් උපයා ගැනීමට හැකිවුණු බව ද එම මණ්ඩලය සඳහන් කරයි.
එලෙස මෙරටින් තල් රා බෝතල් අපනයනය කර ඇත්තේ ප්‍රථම වතාවට ය.
උතුරු ප්‍රදේශයේ සමුපකාර සමිති හරහා තල් රා මිලදී ගැනීම සිදුකර ඇති අතර, අමෙරිකාව, කැනඩාව, ස්විට්සර්ලන්තය ඇතුළු රටවල් දහයකට පමණ මේ වන විට මෙරට තල් රා අපනයනය කරනු ලබයි.
එයින් වැඩි ම තල් රා ප්‍රමාණයක් කැනඩාවට අලෙවි කරනු ලබන අතර ඉදිරියේදී තල් රා බෝතල් දකුණේ සුරාසල්වල අලෙවි කිරීම සම්බන්ධයෙන් මේ වන විට සාකච්ඡා කරමින් සිටින බව ද තල් සංවර්ධන මණ්ඩලය සඳහන් කරයි.