අත්‍යවශ්‍ය භාණ්ඩවල මිල පහළ යාමේ වාසිය පාරිභෝගිකයින්ට ලබා ගැනීම සඳහා නිශ්චිත යාන්ත්‍රණයක් සැකසිය යුතු බවට ආපන ශාලා හිමියන්ගේ සංගමයේ සභාපති අසේල සම්පත් පවසයි.
වෙළෙඳපොළ තුළ අත්‍යවශ්‍ය භාණ්ඩවල මිල විශාල ලෙස පහළ ගොස් ඇති බව ත් එම සහනය පාරිභෝගිකයින්ට ඍජුව නොලැබෙන බව ත් ඔහු සඳහන් කරයි.
ඒ හේතුවෙන් එම සහනය පාරිභෝගිකයින්ට ලබා දීමට නිශ්චිත යාන්ත්‍රණයක් සකස් කරන ලෙස ඔහු අවධාරණය කර සිටි.
“අල කිලෝ එක රුපියල් 190යි. බී ළූණු කිලෝ එක රුපියල් 195යි. සීනි කිලෝ එක රුපියල් 230යි. පරිප්පු කිලෝ එක රුපියල් 350යි. පාන් පිටි කිලෝ එක දැන් රුපියල් 230 සීමාවට ඇවිල්ලා තියෙනවා. ප්‍රධාන සමාගම් දෙක තවමත් මිල අඩු කිරීමක් කරලා නැහැ. මේක දැඩි අසාධාරණයක්. මේ අඩු වීමේ වාසිය පාරිභෝගිකයින්ට ලබා දෙන්න ඕනේ.”