ආපදාවෙන් පීඩාවට පත් ගොවීන් සඳහා බෙදා දීමට ඉන්දියාවෙන් සහ ඉන්දුනීසියාවෙන් සහනාධාර ලෙස මෙරටට ලැබුණු සහල් කිලෝ පන්ලක්ෂ හැට දෙදහසකට සිදු වූයේ කුමක්දැයි සමස්ත ලංකා ගොවිජන සම්මේලනයේ ජාතික සංවිධායක ජවිපෙ වයඹ පළාත් සභා මන්ත්‍රි නාමල් කරුණාරත්න ප්‍රශ්න කරයි.
ආණ්ඩුව ගොවි ජනතාව දැඩි ආර්ථික පීඩනයකට පත් කර ඇති බවට මන්ත්‍රිවරයා චෝදනා කරයි.
පසුගිය කන්නයේ වගා හානි වූ වී සහ ගොඩ බෝග සඳහා රුපියල් 50,000ක වන්දියක් ඉල්ලා ගොවීන් පාරට බැස සිටිද්දී ආණ්ඩුව මසකට රුපියල් 10,000 බැගින් මාස 4කට රුපියල් 40,000ක් ලබා දීමට පොරොන්දු වුවත් මේ වන තෙක් එය ලැබී නොමැති බවද ඒ මහතා කීය.