Colombo Today Local News

ශිෂ්‍යාවකට අමානුෂික ලෙස පහර දුන් ගුරුවරයෙකු රිමාන්ඩ්

හුංගම පාසලක 5 වන ශ්‍රේණියේ ඉගෙනුම ලබන ශිෂ්‍යාවකට එම පාසලේ ගුරුවරයෙකු අමානුෂික ලෙස පහරදීමක් සම්බන්ධයෙන් එම ගුරුවරයා අත්අඩංගුවට ගෙන රක්ෂිත බන්ධනාගාරගත කර තිබේ.

ඒ, දැරියගේ මව විසින් හුංගම පොලිස් ස්ථානය වෙත පැමිණිල්ලක් ඉදිරිපත් කිරීමෙන් අනතුරුවයි.

මෙම පහරදීම සම්බන්ධයෙන් අත්අඩංගුවට ගත් සැකකරු වයස අවු. 49 ක පුද්ගලයෙකි.

ඒ අනුව සිදු කළ විමර්ශනයේදී දැරියගේ පිට ප්‍රදේශයේ හා හිසේ පිටුපස තැලීම් ලකුණු නිරීක්ෂණය වීමෙන් පසු දැරිය මව් භාරයේ තංගල්ල මූලික රෝහලට ඇතුළත් කර තිබේ.

දැරිය මේ වනවිට එම රෝහලේ නේවාසිකව ප්‍රතිකාර ලබා ගන්නා අතර රෝහලේ අධිකරණ වෛද්‍ය නිලධාරිවරයා වෙත ඉදිරිපත් කර වෛද්‍ය වාර්තාවක් ලබා ගැනීමට නියමිතව ඇත.

ඒ අනුව සැකකාර ගුරුවරයා අඟුණුකොළපැලැස්ස මහේස්ත්‍රාත් අධිකරණය වෙත ඉදිරිපත් කිරීමෙන් අනතුරුව ලබන 14 වැනි දින දක්වා රක්ෂිත බන්ධනාගාරගත කර ඇත.

මේ සම්බන්ධයෙන් හුංගම පොලීසිය වැඩිදුර විමර්ශන පවත්වයි.

Related posts

“නාම යෝජනා දීමට නම් මගෙන් ලිංගික අල්ලස් ඉල්ලුවා” – මධූෂාගෙන් පොහොට්ටුවට චෝදනා (Video)

colombotoday

අභාවප්‍රාප්ත වූ ඒලියන්ත වයිට් ගැන මාලිංග තැබූ සටහන

colombotoday

ජනපතිගේ වැඩ ගැන කියමින් අගමැතිගෙන් නිවේදනයක්

colombotoday

කොන්දොස්තර නැතුව අධිවේගයේ ලංගම බස් ධාවනය අද සිට

Admin

බන්දුල රජයේ කැබිනට් මාධ්‍ය ප්‍රකාශක ධුරය ප්‍රතික්ෂේප කරයි

colombotoday

රු. බිලියන 90 කට අධික මුදලක් රජයට අහිමි වී ඇතැයි පැවසෙන විදුලි බල ගනුදෙනුව ගැන වාර්තාවක් කැඳවයි

colombotoday