අතුරුගිරිය – අරංගල ප්‍රදේශයේ දී සිදු කළ වැටලීමකදී හෙරොයින් ග්‍රෑම් 05යි මිලි ග්‍රෑම් 860ක් සමග පුද්ගලයෙක් අත්අඩංගුවට ගෙන ඇත.
පොලිස් මාධ්‍ය අංශය පැවසුවේ සැකකරු සතුව තිබී රුපියල් 96,160ක මුදල්, යුද හමුදා නිල ඇඳුම් කොටස් කිහිපයක්, තහනම් පිහි 2ක්, ජීව උණ්ඩ 2ක්, හිස් පතරොම් කොපු 4ක් හා ත්‍රීරෝද රථයක් පොලිස් බාරයට ගත් බවය.
මෙලෙස අත්අඩංගුවට ගෙන ඇත්තේ අවුරුදු 39ක් වයසැති හෝකන්දර ප්‍රදේශයේ පදිංචිකරුවෙකි.
සැකකරු අද (18)දින කඩුවෙල මහෙස්ත්‍රාත් අධිකරණයට ඉදිරිපත් කිරීමට නියමිතය.
මේ අතර, මහනුවර පැල්ලේකැලේ නත්තරම්පොත ප්‍රදේශයේදී හෙරොයින් ග්‍රෑම් 15ක් සමග සැකකරුවෙකු අත්අඩංගුවට ගෙන ඇත.
ඔහු අවුරුදු 24ක් වු වැල්ලම්පිටිය ප්‍රදේශයේ පදිංචිකරුවෙකි.
සැකකරු අද (18)දින තෙල්දෙණිය මහෙස්ත්‍රාත් අධිකරණය වෙත ඉදිරිපත් කිරීමට නියමිතය.