කුරුණෑගල
තෙලියාගොන්න ප්‍රදේශයේ සිදු කළ තවත් සෝදිසි මෙහෙයුමකදී යුද හමුදා නිල
ඇඳුමට සමාන නිල ඇදුමි කට්ටල 600 ක් ඇතුළු උපකරණ රැසක් සමඟ පුද්ගලයන් සිව්
දෙනෙකු සැකපිට අත්අඩංගුවට ගත් බව කුරුණෑගල පොලීසිය කියයි.
කඩු 4ක්, ගිනි අවියක බැරලයක්, කිනිසි 2ක්, වායුරයිෆල් 1ක්, වෝකිටෝකියක
කොටසක් , ව්‍යාජ රබර් සීල් 21ක්ද මේ අතර තිබී සොයා ගෙන තිබේ.
මෙම ව්‍යාජ රබර් සීල් අතර කටුගස්තොට පොලිස් ස්ථානාධිපති ගේ මුද්‍රාව ,
විදේශ කටයුතු අමාත්‍යංශයේ සහකාර අධ්‍යක්ෂකවරුන් දෙදෙනෙකුගේ නිල මුද්‍රා සහ
අරාබි සහ ඉංග්‍රීසි භාෂාවෙන් සකස් කළ මුද්‍රා කිහිපයක්ද වේ.
පොලිසිය සැක කරන්නේ මෙම ව්‍යාජ මුද්‍රා යොදා ගෙන පොලිස් සහතික සහ විදෙස් ගත වීමට අවශ්‍ය ලිපි ලේඛන සකසා ගෙන ඇති බවය.
හමුදා නිලඇදුමට සමාන (කැමා ඇදුම් ) මසන ලද සම්පූර්ණ ඇදුම් කට්ටල 600 සමඟ යුධ හමුදා ඇදුමට සමාන රෙදි පීස් 05ක්ද සොයාගෙන තිබේ. මෙම සැකකාර පුද්ගලයන් සිව්දෙනාම එක ආසන්නයේම වෙසෙන අය බවද කියයි .
