සිතියමක් වචන දාහකට වඩා වටී
මෙහි පෙන්වන සිතියම දැනට වර්‌ෂ ගණනාවකට පෙර ලංකාවේ මුස්ලිම් සංවිධානයක වෙබ් අඩවියකින් කොපිකර ගත් එකකි. එය පිළියෙල කර තිබෙන්නේ සමස්ත ලංකා මුස්ලිම් ලේඛනාගාර මධ්‍යස්ථානයේ විධායක අධ්‍යක්‍ෂක, එම්. එල්, එම්. මොහිදීන් නම් මිනින්දෝරු තැන විසිනි. පිළියෙල කල වර්‌ෂය සඳහන් කර නැත. පාට යොදාගැනීමේදී කොල-කහ යන <ඉස්ලාම් පාටවල්> යොදා ගැනීම නිසා, තද හා ලා කහපාට දෙක අතර වෙනස පැහැදිලි නැත. කිසිම මුස්ලිම් වෙබ් අඩවියක මේ සිතියම දැන් දක්නට නැත. ලංකාවේ විශ්ව විද්‍යාලවල භූගෝල විද්‍යා ගුරුවරු වැනි අය 2020 ට ආසන්න සංඛ්‍යා ලබාගෙන මෙවැනි ආකාරයේ ජන සංඛ්‍යා සිතියම් පිලියෙල කර විග්‍රහ කල යුතු වන්නේ එය ජාතිවාදයක් නොව, යථාර්‌ථය රටට පෙන්‌වීමට ඔවුන්ට රටෙන් ගෙවන පඩියට ගෙවිය යුතුව ඇති ණයක් නිසාය.
මේ වනාහි ඉතාමත් සරල, පුටුවක ඉඳගෙන කලහැකි පර්යේෂණ වර්‌ගයකි. මෙවැනි සිතියම් සඳහා අවශ්‍ය සංඛ්‍යා, ජන සංඛ්‍යා ලේඛන දෙපා‌ර්තමේන්තුවෙන් ලබාගත හැකියයි සිතමි. මෙම සංඛ්‍යා ග්‍රාම සේවක වසම් මට්ටමෙන් හෝ චන්ද මධ්‍යස්ථාන මට්ටමෙන් ලබාගෙන සිතියම් පිළියෙල කරනවා නම් ඉන් දැනට ක්‍රියාත්මකවනවා යයි පෙනෙන ගර්භාශ යුද්‌ධයේ බාහිර මූණත වඩාත් හොඳින් විද්‍යාමාන වන්නේය. වඩා උස සිරීපාදේ කන්දද, පිදුරුතලාගල කන්දද කියා ලමයින්ට උගන්වනවා වෙනුවට, ඔවුන්ට පුරුදු කල යුත්තේ ඉතින් පිදුරුතලාගල කන්ද ඔච්චර උස නම් ඒ නිසා අපට ඇති සමාජ-පරිසර බලපෑම් මොනවාද කියා ප්‍රශ්ණ කිරීමටය. ජනාධිපති ගෝඨාභය විසින්, හිරගෙවල්, මහ බැංකුවෙන් ආරම්භකර ඇති ආයතන <ශුද්‌ධ කිරීම> විශ්ව විද්‍යාල ගුරුන්ගේ කාර්යක්‍ෂමතාවය මැණීමට හා දියුණු කිරීමට ඉදිරියේදී යොමුවිය යුතුව ඇත.
මුස්ලිම් ජන සංඛ්‍යා ව්‍යාප්තිය
ලංකාවේ ජනගහණයෙන් සියේට දහයක් පමණ මුස්ලිම් යයි කීමත්, මේ සුළු ජන ව‌ර්‍ගයට හිරිහැර, වෙනස්කම් සිදුවෙනවා යයි යහපාලනකාරයින් ඇතුළු නොයෙක් පිරිස් ලොවට කියාපෑමත්, සත්‍යද යන කරුණ, නොයෙක් පරිමාණයේ ජන සංඛ්‍යාසිතියම් මඟින් විමසා බලන විට නොයෙක් අංශ වලින් නොයෙක් පැහැදිළි කිරීම් අනිවා‌ර්ය කරවන්නේය. මිනිසාගේ සාමාන්‍ය ව්‍යාප්තිය වෙනුවට, ජාතිය, ආගම, කුලය, වයස්, අධ්‍යාපන මට්ටම, ආදායම, ලෙඩ රෝග යනාදි වශයෙන් සළකා බැලීම, ලංකාව වැනි ජාතිවාදී බලවේග දෙකකටම හිරවී ඉන්නා කුඩා දූපතකට විශේෂයෙන් වැදගත්‌ය. එම ජාතිවාදී බලවේග, තුන්වන හෝ ඊට වැඩි විදෙස් බලවේග හා අත්වැල් බැඳගෙන සිටීනම් තත්‌වය තවත් බරපතලය. යම් ජන වර්ගයක් තමන්ගේ ගැලවීම රඳා ඇත්තේ වැඩි වැඩියෙන් තම ජන වර්‌ගය බෝ කිරීමෙන් යයි සිතා ක්‍රියා කරන්නේ නම්, ඔවුන් හා එකට වසන තවත් ජන වර්ගයක් උපත් පාලනය කිරීම තම ජාතිය ස්‌වයංවඳ කර ගැනීමකි.
ගර්‌භාශයට ගැරහීම
ඇමෙරිකාවේ තරුණියන් මදර්ස්ඩේ එකට මවට යවන කාඩ් එකේ, <අම්මේ, ඔබේ ගර්භාශය මට කුලියට දුන්නාට ස්‌තුතියි> කියා සඳහන් කාඩ්ද විකිණේ! මේ මාතෘකාව ගැන ලිවීම පවා පිළිකුළ් සහගත වන්නේ ගර්භාශය ලොව උතුම්ම වස්තුවක් වන නිසාය. බයිබලයට අනුව ස්ත්‍රිය මැවුවේ පිරිමියාගේ ඉල ඇටයකිනි. හින්දු වේදයට අනුව ස්ත්‍රියට ලැබුණේ පහත්ම තැනකි. බමුණන් බ්‍රහ්මයාගේ හිසෙන් උපදිනවා යන කියමනට, බුදුහාමුදුරුවන් දුන් පිළිතුර වූයේ, ඔවුන් උපදින්නේ ස්ත්‍රියගේ යෝනියෙන් යන්න බව මා දැනගත්තේ නලින් සුවාරිස්ගේ ආචාර්ය උපාධි පොතෙන්‌ය. දන්ත ධාතුව ලංකාවට ගෙනාවේ ස්ත්‍රියකගේ හිස කෙස් අතර සඟවා ගෙන වුවත්, බිළිඳුන් දළදා මාළිගාවට පූජාකර මුදවා ගන්නා උඩරට සිරිතේදී පිරිමින් එලිපත්තෙන් ඇතුලේත්, ගැහැණුන් ඉන් පිටතත් තබන බව ඔබ දන්නවාද? මේ ස්ත්‍රිය හා පිරිමියා එක සමානය යන බෞද්‌ධ දර්‍ශනයට හින්දු-නායක්කාර රජුන්ගේ බලපෑම නිසා සිදුවූ දෙයය! මානව අයිතිවාසිකම් රැහැනේ අයිතිකාරිය වන දීපිකා උඩගම වැනි අය ථේරි ගාථා කියවිය යුතු ඒ නිසාය. ලෝකයේ ප්‍රථම ස්ත්‍රී අගමැති ලංකාවෙන් බිහිවූයේ අහම්බෙන් නොවේ.
ඇතුවත් බැරි-නැතුවත් බැරි ගෑණු!
ඇමෙරිකාවේ රතු ඉන්දියන් හා සුදු මිනිසුන් අතරවූ යුද්‌ධ වලදී දෙපක්‍ෂයම සතුරාගේ ස්ත්‍රීන් හා ළමයින් පැහැර ගෙන ගියේ කුමක් නිසාද යන්න මට තාමත් ප්‍රහේලිකාවකි. මෙය සුදු වහල් හිමියන් කළු වහල් ස්ත්‍රීන් කෙළි බඩු ලෙස සැළකුවාට වඩා වෙනස් විය හැකිය. ඇමෙරිකාවේ තුන්වන ජනාධිපතිවූ තෝමස් ජෙෆර්‌සන්ට ඔහුගේ නිවස තුලම කළු-වහල්, තරුණ, අනියම් භාර්‌යාවක් සිටියේය. මෝගල් අධිරාජයාවූ සහජාන්, ඔහුට දරුවන් 14 ක් ලබාදුන් මුම්ටාස් මහාල් බිසවට තිබූ ආදරය නිසාම ඇගේ මිණී සොහොන් කොත ලෙස ටජ්මහාල් මන්දිරය සැදුවේය. අයින්ස්ටයින්ගේ සොයාගැනීම් පිටුපස සිටියේ ඔහුගේ භාර්‌යාව යයි මතයක් ඇත. බොහෝ මානව අයිතිවාසිකම්කාරයින් සමලිංගිකයින්‌වීමේ ප්‍රශ්ණයක් නැත. එහෙත් එයට ගරුකරණ ලෙස ඔවුන් විසින්, ඇතුවත් බැරි-නැතුවත් බැරි ගෑණු මතය පිළිගන්නා සිංහලයින්ට බලකිරීම ප්‍රශ්ණයක් නොවේද? කාති උසාවි මඟින් මුස්ලිම් ස්ත්‍රීන්ට වහලියන් සේ සැළකීමට ලංකාවේ නීතියෙන් 1951 සිට ඉඩ සළසා දුන්නේ කුමක් නිසාද?
ගර්භාෂ යුද්‌ධයේ සුළ මුළ
පන්සිය පනස් ජාතක පොතේ සුරුචි ජාතකයේ සඳහන් වන අන්දමට අග බිසවකට ඇති ලොකුම දුක් වේදනාව නම් රජුට අන්තඃපුරයක් තිබීමය. බෞද්‌ධයින්ට මේ සම්බන්‌ධව ශික්‍ෂාපදයක්ද ඇත. උඩරට සිරිත් අනුව එකගෙයි කෑම යටතේ සහෝදරයින් කීපදෙනෙක් එක ස්ත්‍රියක හා ජීවත්‌විය. මීට නොයෙක් හේතු දක්‌වා ඇත. ඉස්ලාම් පිරිමින් මෙහි අනිත් පැත්ත කරන්නේ නබිනායකතුමාට භාර්‌යාවන් 11 සිටි නිසාද? එහෙත් බස්නාහිර ආණ්ඩුකාරයා ලෙස අසාත් සාලිට දෙපැත්තෙන් ගෑණුන් දෙන්නෙක් සමඟ නිදහස් දින සැමරුමට ඒමට ඉඩ දුන්නේ සංහිඳියාවටද? එය අනුමත කලේ රනිල්ද? සිරිසේනද? මොවුන් තවදුරටත් බලයේ සිටියා නම් ගෑණු දෙන්නෙක් හෝ පිරිමි දෙන්නෙක් අඹු-සැමි ලෙස නිදහස සමරන්නට ඒමට හොඳටම ඉඩ තිබුණේය.
චීනය ටිබැට් අල්ලාගත් පසු චීන භටයින් ටිබැට් ස්ත්‍රීන්ට දරුවන් ජාතක කොට ඒ හරහා ටිබැට් ජාතිය වඳකිරීමේ ප්‍රතිපත්තියක් අනුගමනය කරණවා යයි ප්‍රචලිත විය. මේ දේම වියට්නාමයේදීද කරන්නට හැදුවා යන්නද එලිවිය. එසේ නම් ලංකාවේද ඉස්ලාම් ශාරියා අනුව මෙවැනි දෙයක් දැන් සිදුවන්නේ ලංකාවේ නීතියේ අනුග්‍රහය යටතේ වීම ඛේදජනකය. එක පැත්තකින් සමහර විට අවුරුදු 13 ටත් අඩු ලමා වයසේ විවාහ වලට ඉඩ ඇත. මුජිබර් රහමාන් වත් ඊට විරුද්‌ධ නැත. අනිත් පැත්තෙන් තලාක් යයි තුන් පාරක් කියා එය අවලංගු කල හැකිය. මේ වනවිට එලිදරව් වී ඇත්තේ, කාති උසාවි ක්‍රමය හරහා මුස්ලිම් පිරිමින් කරගෙන යන ස්ත්‍රී ජාවාරමය. මෙවැනි ක්‍රමයක් කෝරාණයේ ඉඩ දී තිබුණත් නැතත්, අරාබි වැසිකිලි හේදීමට යන ලංකාවේ ස්ත්‍රීන්ට ඒ රටවල පිරිමින් සළකනවා ඇත්තේ කෙසේද යන්න මේ අනුව සිතාගත හැකිය. මේ ගෑණුන් ලංකාවට එවන දිනාර් වලින් රජසැප විඳින සිංහල පවුල් වලටත් මෙය සාපයක් නොවේද?
මේ අනුව ඉංග්‍රීසියෙන් කියන ඕට්ස් වැපිරීම මුස්ලිම් පිරිමියාට ඔහුගේ ආගමෙන් දුන් වරමක් වැනිය. දැන් අසුවී තිබෙන්නේ කුකුල් පැක්ටරි මෙන් ලමයින් හදන පැක්ටරි අරාබි සල්ලි වල ආධාරයෙන් ලංකාවේ පවතින බවය. පිරිමියා පට්ටි ගොනෙක් වැනිය. ඊට අමතරව සිදුවන්නේ සෝමලතා, ෆාතිමා කරණය කිරීමය. දුගීකම නිසා බොරු මුස්ලිම් ආලයක පැටලෙන සිංහල හා දෙමළ තරුණියන් අපමණය. මේ සියල්ලටම වඩා දුෂ්ට හා භායනක වන්නේ ෂාපි දොස්තරගෙන් අහුවුන සිංහල ස්ත්‍රීන්ගේ ගර්භාශ වලට කරණ හානියය. සිසේරියන් කර සිංහල අයට එක මැහුමකුත්, මුස්ලිම් අයට මැහුම් දෙකකුත් දමන බව එලිවිය. නර්ස්ලාගේ ඇසට වැලි ගසා මොහු කල ක්‍රියා එලිවී ඇත. මුස්ලිම් පිරිමි බිළිදෙක් ඉපදුන විට එය උඩට උස්සා මොහු දෙවියන්ට ස්තුති කරනවා යයි නර්ස්ලා දුන් ශාක්‍ෂි ශානි අබේසේකරලා විසින් යටපත් කර අසුවිය! ගර්භාශ බිත්තිය ගෝෂ් කෑල්ලකින් තදින් පිසදැමීමෙන් පවා යම් ස්ත්‍රියක් වඳභාවයට පත්‌විය නොහැකිදැයි සැකයක් පවතී. ඔහුට විරුද්‌ධව ඇති බලවත්ම ශාක්‍ෂිය නම් ඔහුගේ ක්‍ෂණික වීර සැත්කම් වලට ලක්‌වු සිංහල ස්ත්‍රීන්ට නැවත දරු උපත් සිදු නොවූයේ මන්ද යන්නය.
ගඩාෆි හා යසර් අර්ෆත්
ගර්භාෂ යුද්‌ධය ආයුධයක් වශයෙන් යොදාගන්නට යසර් අර්ෆත් ට සිදුවූයේ ඊශ්‍රායල් හා ඇමෙරිකන් යුද බලය ඉදිරියේ ඔහුට වෙන කිසිම වරණයක් නොතිබුණු නිසාය. කැටපොල් වලින් ගල්කැට විද සතුරා මෙල්ලකල නොහැකි නිසා මෙය එක්තරා අන්දමට ගාන්‌ධිගේ අවිහිංසා උපක්‍රමයක් වැනිය. එහෙත් 1976 දී, ගඩාෆි විසින් ලංකාවේ පාරවල සල්ලි විසිකරමින් ලංකාව මුස්ලිම් කරන්නට කල යෝජනාව ඊට වෙනස්‌ය. මෙහි බරපතලකම නම් ක්‍රමාණුකූලව, අරාබි තෙල් ඩොලර් යොදවා ලංකාවේ නොයෙක් ස්ථානවල ඉඩම් මිලදී ගැනීමය. අන්තිමට, නුවර ඉතුරුවෙන්නේ දළදා මාළිගාව පමණයි යන කියමණක් සේපාල් අමරසිංහගේ විඩීයෝවක සඳහන් විය. නුවර-කොළඹ පාර දිගටම මෙසේ මුස්ලිම්කරණය වෙමින් පවතී. මෙය නැවැත්‌විය හැක්කේ සමහර රටවල මෙන් නීතියෙන් මිස, ජාත්‍යාලයට ආයාචනා කිරීමෙන් නොවේ. පවතින මිලට වඩා හතරපස් ගුනයකින් ඉහල මිලක් දෙනවා නම් තම ඉඩම නොවිකුණන සිංහලයින් සිටීද?
මුස්ලිම්-ශාරියා බලකොටු
කොරෝනා වේදී එලිවූ කරුණක් නම් ගම් වශයෙන් එක් රැස්වී ජීවත්වන මුස්ලිම් ප්‍රජාව රටේ නීතියත් නොසළකා හැසිරෙන ආකාරයය. බණ්ඩාරගම අටළුගම එක් වාර්‌තාවුණ උදාහරණයක් පමණය. පානදුර ප්‍රදේශයේ, සරික්කම්මුල්ල, තොටවත්ත, එළුවිල යනාදී වශයෙන් තනිකර මුස්ලිම් ගම්මාන තුන වෙනුවට දැන් එවැනි ස්ථාන රාශියක් ඇත. සහරාන්ලා එකතුකල කඩු මේ ගම්මානවලට නොවේද? එවැනි ගම් හා පන්සල් අතර ඇත්තේ වැටෙන් වෙන්‌වු දුරවල්‌ය. යම් ස්ථානයක ජීවත්වන මුස්ලිම් ජන සංඛ්‍යාව තවත් ජාතියකට සාපේක්‍ෂව ස්වල්ප නම් හිස පහත් කරගෙන සිටීමත්, එක සමාන නම් කරට කර සිටීමත්, බහුතරය නම් ඒකාධිපති ලෙස හැසිරීමත්, පැහැදිලිව පේන රටාවක් බවට ලෝකය පුරාම නිදසුන් ඇත. අරාබි අකුරෙන් බෝඩ් ඇති කාත්තන්කුඩිය ගැන මොහොතකට සිතන්න. හැම් මුස්ලිම් බහුතර ස්ථානයකම හිතුවක්කාරී ලෙස තම බලය ප්‍රදර්‍ශණය කිරීම දක්නට නොලැබේද?
ගර්භාෂය කුලියට ගැනීම
විද්‍යාවේ දියුණුව සමඟ මේ වන විට දරුවන් නැති විවාහක ජෝඩුවක භාර්‌යාවගේ ගැබ්ගැණීමේ ප්‍රශ්ණයක් ඇත්නම්, ජීව කළලය වෙනත් ස්ත්‍රියකගේ ගර්‍භාශයේ තැන්පත් කර දරුවා ලබාගත හැකිය. මේ අනුව යමින් මුස්ලිම් ශාරියා පිරිමින් කරන්නේ ගර්භාශය කුලී භාණ්ඩයක් වශයෙන් භාවිතා කිරීම නොවේද? එසේ නැත්නම් එය කඩුවක් කර ගැනීම නොවේද? යම් රටක, ජාතියක බොහෝ දරුවන් සිටිනා මවකට ගරු කරන්නේ මනුෂ්‍යත්‌වයේ නාමයෙන් මිස රටක්, ගමක් අල්ලා ගැනීමේ යන්ත්‍රයක්, යුද ටැංකියක් සේ සළකා නොවේ. බෞද්‌ධයින්ට අනුව මිනිසත් බවක් ලබාගැනීම දුර්ලභ සංසිද්‌ධියකි නිසාය. මුස්ලිම් මැණික් මුදලාලිලා මෙන්, ශාරියාකාරයින්, ශාෆිලා ඇතුව හෝ නැතුව ස්ත්‍රීන් දරු ඉල්ලම් බවට පෙරලා ඇත. ජෙරමි බෙන්තම්ගේ යුටිලිටේරියනිසම් අනුව, ස්ත්‍රිය භාණ්ඩයක් සේ විය. ඔහුට අනුව යමෙකු විවාහකර ගන්නට පෙර සළකා බලන්නේ එහිදී ලැබෙන වාසි හා අවාසි කිරා මැණ බැලීමය. විහාර මහදේවී, සෝමා දේවී, පත්තිනි දේවී උතුම් කොට සළකණ සිංහල සමාජයකට මේ ශාරියා ධර්‌මය අරහං නොවන්නේද?
සිංහලේ කියූ රට කෝ?
අනාදිමත් කාලයක සිට මේ දිවයින සිංහලේ යයි හැඳින්‌වූයේ එය සිංහලයාගේ රට වූ නිසාය. ජපානය, ජපනාගේ, ජර්‌මණිය, ප්‍රංශය, රුසියාව යනාදී වශයෙනි. මෙවැනි පසුබිමක් යටතේ රටේ සිටි හා ඉන්නා මෝඩ දේශපාලකයින් ශ්‍රී ලාංකික කතාවක් බදාගෙන දඟලන්නේ ඇයි? බොහෝ දුරට ප්‍රඥාවෙන් හැසිරෙන නාගානන්ද කොඩිතුවක්කු පවා මෙහිදී මෝඩ හැසිරීමක් පෙන්‌වයි. ඔහුට අනුව ඔහු බලයට ආ දවසක ලංකාවේ උප්පැන්න සහතික වල ජාතිය ලෙස සඳහන් කරන්නේ, සිංහල, දෙමළ, මුස්ලිම් යනුවෙන් නොව <ශ්‍රී ලාංකික> යනුවෙනි! දෙමළ මිනිසුන්ට ටැමිල්නාඩ ඇත. ආගම අනුව මුස්ලිම් කියා හඳුන්වන මුස්ලිමුන්ට අරාබිය හා මැදපෙරදිග ඇත. සිංහල කියන නම ඉවත්කල විට සිංහල ජාතියට වන්නේ කුමක්ද?
ශ්‍රී ලාංකික යන පදය ගසන්නේ සංහිඳියා කෙහෙළ්මලකට නොව, මේ දිවයිනෙන් සිංහල බෞද්‌ධ සංස්කෘතිය, ශිෂ්ටාචාරය නැතිකිරීමට බව සිංහලයයි කියාගන්නා මෝඩ පාලකයින්ට නොතේරේ. ඒකීය, නොබෙදුණු, එක්සත්, එක්සේසත්, ඔරුමිත්තනාඩු යන නම් අස්සේ දුවන ලේබල් එක නම් මේ ශ්‍රී ලාංකිකයින් යන ලේබල් එකය. එහෙත් දෙමළ, ඉස්ලාම්, මුස්ලිම් දේශපාලන පක්‍ෂ අහෝසි කරන්නේ නැත. සිංහලයා, විශේෂයෙන් සිංහල බෞද්‌ධයා හිත හොඳ ගෑණීය. එසේ නැත්නම්, ට්‍රජඩි ඔෆ් ද කොමොන්ස් සංකල්පයේ කොමොන්ස්‌ය. පොදු දේපලය. සිංහල විරෝධී හැමෝම ඉන් කෑලි කඩාගෙන එය විනාශ කරන්නට සදන ගමන්, අපි හැමෝම ශ්‍රී ලාංකිකයින් යයි කියමින් සිටී. සිංහල පොකුණේ ඉවුරේ සිට දෙමළ, මුස්ලිම් බට දමා එහි වතුර බොමින් පොකුණ හිස්කරන්නට ක්‍රියාකරමින් සිටී. සම්බන්‌ධන්, සුමන්තිරන්, විග්නේෂ්වරන්, රවුෆ් හකීම්, මරික්කාර්, රිෂාඩ්, අසාත් සාලි, මුජිබර් රහමාන්, කබීර් හෂීම් යන මේ අය කරන්නේ එය නොවේද? රනිල්, සජිත්, රාජිත, චන්ද්‍රිකාලා කරන්නේත් එයම නොවේද? අවාසනාවකට මෙන් පො‌හොට්ටු පක්‍ෂයේද මීට අසුවූ අය සිටිති. 1924 තර්ම් අතීතයේ සිටම ලංකාව අරාබිකරණය කිරීමේ ව්‍යාපාරයක් තිබූ අයුරු මීට පෙර ලිපිවලින් පෙන්‌වා දී ඇත. මේ වන විට සිදුවන්නේ ඒ අහිංසක සේ ගෙනා අරාබි භාෂාව, ආගම ඉගැන්‌වීම, මද්‍රසා හරහා ශාරියා-ඉහ්වාන් වාදයට යටවී යාමය.
සිතියම කියන කතාව
මේ සමඟ ඇති සිතියම කියන්නේ මේ පසුබිමේ නිහඬ කතාවය. 2010 හෝ 2015 සිතියමක් ග්‍රාම නිලධාරී වසම් හෝ චන්ද මධ්‍යස්ථාන මට්ටමෙන් පිළියෙල කලොත්, මෙම මුස්ලිම් ජන ව්‍යාප්තියේ භයානක කම පෙන්වනු ඇත. උදාහරණයක් වශයෙන්, තෝරාගත් ප්‍රදේශවල පසුගිය අවුරුදු 10 තුල ඉඩම් විකිණීම් හා ඒවා මිලට ගත් අයගේ නම් අනුව සිතියම් ගත කලොත්, ඉඩම් අල්ලා ගැනීමේ ශූක්‍ෂම ශාරියා ප්ලෑන දැනගත හැකිය.
මේ සමඟ ඇති සිතියමේ කොලපාටින් පෙන්වන්නේ 10,000 ට වැඩියෙන් මුස්ලිම් ජනයා සිටින ප්‍රාදේශීය ලේකම් ප්‍රදේශ 48 ය. තද කහපාට, 5,000 සිට 10,000 අතර ප්‍රදේශ 36 ය. ලා කහපාට, 1,000 සිට 5,000 අතර ප්‍රදේශ 96 ය. සුදු පාට 1,000 ට අඩු ප්‍රදේශ 135 ය. මෙවැනි සිතියම් වල ඇති දුර්‍වලතාවය නම් සිතියම පෙන්වන දේට වඩා දේවල් එහි තුල සැඟවී තිබිය හැකිවීමය.
චන්ද්‍රසිරි විජයවික්‍රම, LL.B., Ph.D.