රුපියල් ලක්ෂ 40 කට අධික වටිනාකමින් යුතු මෙරට භාවිතය තහනම් කරන ලද කෘෂි රසායනික දියර කෑන් නීතිවිරෝධීව ළඟ තබාගෙන සිටි පුද්ගලයෙකු සූරියවැව ප්‍රදේශයේදී අත්අඩංගුවට ගෙන තිබේ.
සූරියවැව විශේෂ කාර්ය බලකා කඳවුරේ නිලධාරීන් විසින් සිදුකළ වැටලීමකදී මෙරට භාවිතය තහනම් කරන ලද කෘෂි රසායනික ලීටර් 4 බැගින් අඩංගු කෑන් 544 ක් සමග සැකකරු අත්අඩංගුවට ගෙන ඇති බව පොලීසිය සඳහන් කළේය.
එම කෘෂි රසායනික දියරවල වටිනාකම රුපියල් ලක්ෂ 42 ක් පමණ වන බව සඳහන් වේ.
28 හැවිරිදි සැකකරු සූරියවැව, විහාරගල ප්‍රදේශයේ පදිංචිකරුවෙකු වන අතර ඔහු අද (19)දින ඇඹිලිපිටිය මහෙස්ත්‍රාත් අධිකරණයට ඉදිරිපත් කිරීමට නියමිතය.