ඇල්පිටිය විශේෂ විමර්ශන ඒකකයට ලද තොරතුරක් මත බලපිටිය මිගෙට්ටුවත්ත ප්‍රදේශයේ කාන්තාවක් හෙරොයින් සමග අත්අඩංගුවට ගෙන තිබේ.
නිවස තුළ තිබී පැකට් කරන ලද හෙරොයින් ග්‍රෑම් 5යි මිලිග්‍රෑම් 250ක් සොයා ගෙන තිබේ.
ඒ සමග අත්අඩංගුවට ගත් කාන්තාව සිව්දරු මවක් වන අතර ඇයව අද (26)දින බලපිටිය මහෙස්ත්‍රාත් අධිකරණයට ඉදිරිපත් කිරීමට නියමිතය.
මේ අතර, ඇල්පිටිය විශේෂ විමර්ශන ඒකකය විසින් කරන්දෙණිය ප්‍රදේශයේ දී හෙරොයින් සමග පුද්ගලයින් 8 දෙනෙක් අත්අඩංගුවට ගෙන තිබේ.
එයින් එක් සැකකරුවෙකුගෙන් ලද හෝඩුවාවක් මත නිවසක ගෙවත්තේ පඳුරක් යට සඟවා තිබූ මත්කුඩු පාර්සලයක් ද සොයා ගෙන තිබේ.
එහි හෙරොයින් ග්‍රෑම් 5ක් තිබී හමුවී ඇත.
ඇල්පිටිය පොලීසිය වැඩිදුර විමර්ශන සිදුකරයි.