මත්ද්‍රව්‍ය නාශක අංශයේ කීර්තිමත් පොලිස් පරීක්ෂකවරයෙකු වූ නිර්මාල් රංජිත් මහතා එම අංශයෙන් වෙනත් ශ්‍රේෂ්ඨ අංශයකට මාරු කර යැවීමට පොලිස්පතිවරයා විසින් ගත් උත්සාහය ජනාධිපතිවරයා විසින් අත්හිටුවා ඇති බව වාර්තා වේ.
සේවා අවශ්‍යතා මත සඳහන් කරමින් පොලිස්පති පූජිත් ජයසුන්දර මහතා විසින් ඊයේ (20 දා) මෙම ස්ථාන මාරුව කර ඇතැයි පොලිස් මූලස්‌ථාන ආරංචි මාර්ග සඳහන් කරයි.
මෙම ස්ථාන මාරුවත් සමග, පිළියන්දල ප්‍රදේශයේදී මත්කුඩු ජාවාරම්කරුවන්ගේ වෙඩි ප්‍රහාරයකට ගොදුරුවී මාරාන්තික තුවාල ලබා සුවය ලද පොලිස් පරීක්‍ෂක රංගජීව මහතාට පොලිස් මත්ද්‍රව්‍ය කාර්යාංශය මගින් මෙතෙක්‌ ලබාදුන් ආරක්‍ෂාව ඉවත් කිරීමටද පියවර ගෙන තිබිණි.