Colombo Today Local News

දුප්පත්කම නැති කරන්න ජනාධිපති කාර්යසාධක බලකායක් !

ජනාධිපති ගෝඨාභය රාජපක්ෂ මහතා විසින් දරිද්‍රතාවය තුරන් කිරීම සහ ජීවනෝපාය සංවර්ධනය සඳහා කාර්ය සාධක බලකායක් පිහිටුවා තිබේ.
 
විශ්‍රාමික නියෝජ්‍ය භාණ්ඩාගාර ලේකම් එස්.බී. දිවාරත්න මහතාගේ සභාපතීත්වයෙන් යුතු එම බලකායේ සාමාජිකයන් සංඛ්‍යාව 11 දෙනෙකි.

 විශ්‍රාමික අමාත්‍යංශ ලේකම් වී. සිවඥානසෝති, පේරාදෙණිය විශ්වවිද්‍යාලයේ ජ්‍යෙෂ්ඨ කථිකාචාර්ය, මහාචාර්ය එච්. එම්. ඩබ්ලිව් ආරියරත්න හේරත්, කැලණිය විශ්වවිද්‍යාලයේ මහාචාර්ය ශිරන්ත හීන්කෙන්ද, යාපනය විශ්වවිද්‍යාලයේ ජ්‍යෙෂ්ඨ  කථිකාචාර්ය ආචාර්ය එස්.එස්. සිවකුමාර්, විශ්‍රාමික දිස්ත්‍රික් ලේකම් නිමල් අබේසිරි, විශේෂඥ වෛද්‍ය අනුරුද්ධ පාදෙණිය, විශේෂඥ වෛද්‍ය සංජීවනී හපුගොඩ, විශ්‍රාමික මේජර් ජනරාල් සුමේධ පෙරේරා, ශ්‍රී ලංකා වාණිජ මණ්ඩලයේ ගයාත්‍රි ගුණරුවන්, ඊ.ඩබ්. ක්‍රේසි සහ සමාගමේ  විධායක නිලධාරී සංජීව ගුණවර්ධන සහ නේචර්ස් සීක්‍රට් ආයතනයේ අධිපති සමන්ත කුමාරසිංහ යන මහත්ම මහත්වරු එම සාමාජිකයෝ වෙති.
 
සමෘද්ධිලාභීන්ගේ ආහාර සුරක්ෂිතතාව තහවුරු කිරීම, ග්‍රාමීය, වතු සහ අර්ධ නාගරික ප්‍රදේශවල ජනතාව සෑහීමකට පත්වන අයුරින් ජල සැපයුම 150,000ක් ලබාදීම,  සුළු පරිමාණ ව්‍යාපාර සංවර්ධනය ආදී කාර්යයන් එම බලකායට පවරා තිබේ.

Related posts

ශ්‍රී ලංකාවේ ඉල්ලීම නිසා මානව හිමිකම් කොමසාරිස් ට්‍රම්ප් ළග අසරණ වෙයි !

colombotoday

ශ්‍රී ලංකාවේ සියලුම අනර්ථකාරී වෙබ් අඩවි තහනම් කිරීමට නියෝග

colombotoday

ගෝඨාභය පුටින් වගේ

colombotoday

සරත් විරසේකරට විමල් වීරවංශ පරදින ලකුණු

colombotoday

බිත්තර වලට උපරිම සිල්ලර මිලක් නියම කරමින් ගැසට් නිවේදනයක්

Admin

ඉන්දියාවෙන් තවත් පෙට්‍රල් මෙට්‍රික් ටොන් 40,000ක්

colombotoday