දියතලාව ප්‍ර දේයේදී අද අළුයම බස් රථයක් ගිනිගෙන ඇත්තේ මගියකුගේ බැගයක් තුළ තිබූ ග්‍රෙනේඩ් බෝම්බයක් පුපුරා යෑමෙන් බව අග්‍රාමාත්‍ය රනිල් වික්‍රමසිංහ මහතා අද (21දා) පාර්ලිමේන්තුවේදී පැවසීය.
මේ සම්බන්ධව තමන් නීතිය හා සාමය ඇමතිවරයාගෙන්, හමුදාපතිවරයාගෙන් හා පොලිස්පතිවරයාගෙන් විමසූ බවද අගමැතිවරයා ප්‍රකාශ කළේය.
ඒකාබද්ධ විපක්ෂයේ නායක දිනේෂ් ගුණවර්ධන මහතා යොමු කළ පැනයකට පිළිතුරු දෙමින් හෙතෙම මේ බව පවසා සිටියේය.
ඉන් අනතුරුව අදහස් දැක්වූ නීතිය හා සාමය පිළිබඳ අමාත්‍ය සාගල රත්නායක මහතා සඳහන් කළේ සිද්ධිය සම්බන්ධයෙන් රස පරීක්ෂකවරයා ලවා ඉදිරි පරීක්ෂණ කරගෙන යන බවයි.