රනිල් වික්‍රමසිංහ, චන්ද්‍රිකා කුමාරතුංග, මෛත්‍රිපාල සිරිසේන යන අයට කිසිසේත්ම ජාතියට විමුක්තිය උදා කිරීමට හෝ මේ රට ගොඩගැනීමට නොහැකි බව පූජ්‍ය ගලගොඩඅත්තේ ඤාණසාර හිමියන් පවසනවා.
රත්නපුරයේ පැවති සමුළුවක් අමතමින් උන්වහන්සේ වැඩි දුරටත් ප්‍රකාශ කළේ ඉන්දියානු මූලය සහිත නීල පෙරුමාල්ගේ පරපුරෙන් පැවත එන චන්ද්‍රිකාත්, තම්බිමුදියන්සේගේ පරපුරට නෑකම් කියන රනිල් වික්‍රමසිංහ මහතාත් සිංහලයන් නොවන බැවින් සිංහල ජාතිකත්වයට වෛර කරන බව සහ ඔවුන්ගේ ඉන්දියානු සම්භවය නිසා නිතැතින්ම දෙමළ ජාතිවාදය වෙනුවෙන් පෙනී සිටින බවයි. ඔවුන් දෙදෙනා ජාතිවාදීන් ආගම්වාදීන් ලෙස හංවඩු ගහනනේ සිංහල බෞද්ධයන්ට පමණක් බවද උන් වහන්සේ පවසා සිටියා
එදත් විදේශිකයන් හමුවේ රට පාවා දුන්නේ මෙම පරපුරුවල අය බවත් එදා ධර්මපාලතුමාගේ ජාතික විමුක්ති අරගලය විනාශ කළේ තම්බිමුදියන්සේලාගේ පරපුරේ ලේක්හවුසිය බවද උන් වහන්සේ සිහිපත් කර සිටියා.
එමෙන්ම මේ වන විටත් ක්‍රියාත්මක වෙමින් පවතින අතිශය බිහිසුණු කුමන්ත්‍රණයක තතු හෙළි කරමින් උන්වහන්සේ පැවසූවේ චන්ද්‍රිකා කුමාරතුංග ‘සහජීවනය සහ සංහිදියාව’ යන පාඨය ඉදිරියට දමාගනිමින් ජාතියේ අක්මුල් මුළින් උපුටා දැමීමට සූදානම් වෙමින් සිටින බවයි.
මෛත්‍රීපාල සිරිසේන ජනාධිපතිවරයාගේ ක්‍රියාකලාපයද දැඩි ලෙස විවේචනය කළ උන් වහන්සේ පසුගිය පාලන සමයේ සිදුවූ ඇතැම් ක්‍රියා පිළිබදවද සිහිපත් කර සිටියා.
ඤාණසාර හිමියන් දැක්වූ අදහස් වැඩිදුරටත් පහත පරිදිය.