ජාතික ආණ්ඩුව පිහිටුවීම පිළිබඳ යෝජනාව (07) පාර්ලිමේන්තුවට ඉදිරිපත් කරන බව එක්සත් ජාතික පක්ෂ පාර්ලිමේන්තු මන්ත්‍රී හර්ෂණ රාජකරුණා මහතා මාධ්‍ය හමුවකදී (06) පැවැසීය.
ජාතික ආණ්ඩුවක් පිහිටුවන්නේ අමාත්‍ය සංඛ්‍යාව වැඩිකර ගන්නට යැයි විවිධ පාර්ශ්ව වැරදි අර්ථකථන ලබාදෙමින් සිටින බව කී මන්ත්‍රීවරයා ජාතික ආණ්ඩුවක් පිහිටුවීමේ රජයේ එකම අරමුණ ස්ථාවර ආණ්ඩුවක් පවත්වාගැනීම බවද සඳහන් කළේය.
එක්සත් ජාතික පෙරමුණ ප්‍රමුඛ පක්ෂ එක්ව පිහිටුවීමට යන ජාතික ආණ්ඩුව සඳහා සහය දැක්වීමට දැනටමත් ශ්‍රී ලංකා නිහස් පක්ෂයේ මන්ත්‍රීවරුන් කිහිපදෙනෙක්ම එක්වී සිටින අතර තවත් ශ්‍රී ලංකා නිදහස් පක්ෂ මන්ත්‍රීවරුන් කිහිපදෙනෙක් ජාතික ආණ්ඩුවට එක්වීමට සූදානමින් සිටින බව කීය.
ජාතික ආණ්ඩුවක් යටතේ ස්ථාවර ආණ්ඩුවක් පවත්වාගෙන යාමේදී ජ්‍යෙෂ්ඨයන්ට අමාත්‍යධුර දෙන්නට සිදුවන හෙයින් අමාත්‍යධුර ගණන වැඩි කරන්නට සිදුවනු ඇතැයි ද මන්ත්‍රීවරයා සඳහන් කළේය.