ඉදිරි මහ මැතිවරණයට තරඟ වැදීමට තමන් සූදානම් බව රංගන ශිල්පී අර්ජුන කමලනාත් මහතා සඳහන් කරයි.
ශ‍්‍රී ලංකා පොදුජන පෙරමුණෙන් ගාල්ල දිස්ත්‍රික්කය නියෝජනය කරමින් තරග කිරීමට තමන් සූදානම් වන බවද ඔහු සඳහන් කර ඇත.
ඇමැති විමල් වීරවංශ මහතා තමාට දැනටමත් ඊට ආරාධනා කර ඇති බවත් ජනාධිපති ගෝඨාභය රාජපක්ෂ මහතාගේ ආශිර්වාදය ද තමන්ට ලැබෙන බවත් ඔහු කියා සිටියි.
රංගන ශිල්පිනී අනූෂා දමයන්ති ද සමාජ මාධ්‍ය වෙත අදහස් දක්වමින් තමන්ට ඡන්දය ඉල්ලන්නැයි ජනතාව කියන බව ප්‍රකාශ කර තිබිණි.
කෙසේ වෙතත් නළු නිලියන්ගේ දේශපාලන ආගමනය පිළිබදව සමාජ මාධ්‍යවල එතරම් යහපත් ප්‍රතිචාරයක් නෙැමිති බව පෙනෙන්නට තිබෙන අතර, බොහෝ දෙනෙකුගේ අදහස් දකවා තිබුණේ මීලග පාර්ලිමේන්තුවට යැවිය යුත්තේ උගත් බුද්ධිමත් අය මිස තවත් අල්පොන්සොලා නොවන බවයි.