ග්‍රෑන්ඩ්පාස් පොලිස් වසමේ මුවදොර උයන නිවාස සංකීර්ණයේ සිදුකළ හදිසි සෝදිසි මෙහෙයුමකදී පුද්ගලයන් 61 දෙනෙකු අත්අඩංගුවට ගෙන ඇත.
පොලිස් නිලධාරීන් 518 දෙනෙක් ඊට එක්ව ඇති අතර පරීක්‍ෂා කර ඇති නිවාස සංඛ්‍යාව 870 ක්. එහිදී හෙරොයින් ග‍්‍රෑම් 39 ක්, ගංජා ග‍්‍රෑම් 85 ක් හා මත්පෙති 07 ක් සොයාගත් බවයි පොලීසිය පවසයි.
බස්නාහිර පළාත භාර ජේ්‍යෂ්ඨ නියෝජ්‍ය පොලිස්පති දේශබන්දු තෙන්නකෝන්ගේ උපදෙස් මත මෙම වැටලීම සිදුකෙරුණි.
මේ අතර ජංගම දුරකතන හරහා මුදල් හුවමාරු කිරීමේ ක‍්‍රමයට හෙරොයින් ජාවාරම සිදුකල තවත් පුද්ගලයින් 14 දෙනෙකු වේයන්ගොඩ පොලීසිය විසින් අත්අඩංගුවට ගෙන තිබේ. එහිදී හෙරොයින් ග‍්‍රෑම් 5 ක් සොයාගත් බවයි පොලීසිය පවසයි.