කොරෝනා රෝගීන්ට ප්‍රතිකාර ලබාදෙන අමෙරිකාවේ රෝහලකට බෝම්බ ප්‍රහාරයක් එල්ල කිරීමට සැලසුම් කළ පුද්ගලයෙකු අමෙරිකානු රහස් ඔත්තු සේවය එල්ල කළ වෙඩි ප්‍රහාරයකින් මියගොස් තිබේ. අමෙරිකාවේ මිසෝරි ප්‍රාන්තයේ පිහිටි රෝහලක් මෙම පුද්ගලයාගේ ඉලක්කට බවට පත්වී තිබුණි.
ත්‍රස්තවාදී කටයුතු පිළිබඳ විමර්ශනයකට අදාළව බෙල්ටන් නගරයේදී මෙම 36 හැවිරිදි පුද්ගලයා අත්අඩංගුවට ගැනීමට උත්සාහ කිරීමේදී වෙඩි තැබීම සිදුවී ඇත.
මියගිය තැනැත්තා ජාතිවාදී සහ රාජ්‍ය විරෝධී අදහස් ඔස්සේ කටයුතු කළ බවට තොරතුරු අනාවරණය කර ගෙන තිබේ.
තිමොති විල්සන් ලෙස හඳුනාගෙන ඇති ඔහු සම්බන්ධයෙන් මාස කිහිපයක සිට විමර්ශන සිදුකර ඇත.
රෝහලට බෝම්බ ප්‍රහාරයක් එල්ල කිරීමට සැලසුම් කිරීමට පෙර මොහු කළු ජාතික සිසුන් විශාල පිරිසක් ඉගෙනුම ලබන පාසලකට සහ දේවස්ථානයකට ප්‍රහාරයක් එල්ල කිරීමට තීරණය කර තිබූ බව ද හෙළිකර ගෙන තිබේ.