පල්ලෙකැලේ ජාත්‍යන්තර ක්‍රිකට් ක්‍රීඩාංගණයේ පැවැත්වූ ලෙජන්ඩ් කුසලාන ක්‍රිකට් තරගාවලියේදී තරග පාවාදීමට ක්‍රිකට් ක්‍රීඩකයන්ට බලපෑම් කළේ යැයි චෝදනා ලත් පන්ජාබ් රෝයල් කණ්ඩායමේ කළමනාකාර පැවලෝජඩියා ආකාශ් නමැති ඉන්දියානු ජාතිකයාට රුපියල් එක්කෝටි දස ලක්ෂයක දඩයක් ගෙවන ලෙස මහනුවර මහාධිකරණ විනිසුරු දර්ශිකා විමලසිරි මහත්මිය ඊයේ (අගෝ. 27) නියෝග කළා ය.
නීතිපතිවරයා විසින් 2019 අංක 24 දරන ක්‍රීඩාවලට සම්බන්ධ දූෂණ වැළැක්වීමේ පනත යටතේ අදාළ ඉන්දියානු ජාතික පුද්ගලයාට චෝදනා දෙකක් යටතේ මහනුවර මහාධිකරණයේ නඩු පවරා තිබිණි.