මිනුවන්ගොඩ කොරෝනා පොකුර නිර්මාණය වූ ඇඟලුම්හල වෙත විදේශිකයින් 60 දෙනෙකු මත්තල ගුවන් තොටුපල හරහා මෙරටට ගෙන ආ බව ඊයේ (07)දින සමාජ මාධ්‍ය ජාලා තුල දැඩි ආන්දෝලනාත්මක කරුණක් වුණා .
මේ පිළිබඳව අද උදෑසන මාධ්‍ය වෙත අදහස් දක්වමින් හමුදාපති ශවේන්ද්‍ර සිල්වා සඳහන් කලේ 60 දෙනෙකු නොව 48 දෙනෙකු එලෙස මත්තල ගුවන්තොටුපල හරහා මෙරටට පැමිණි බවයි.
එමෙන්ම අදාළ ආයතනයේ ඉල්ලීම පරිදි කොස්ගොඩ ප්‍රදේශයේ පෞද්ගලික හෝටලයක ඔවුන්ව නිරෝධායනය කල බව හමුදාපතිවරයා සඳහන් කළා.
අදාළ පිරිස යුධ හමුදාවේ ආරක්ෂාව යටතේ දින 14ක් නිරෝධායනය වූ බව ඉතා වගකීමෙන් පවසන බව හමුදාපතිවරයා පැවසුවා.