හෝමාගම සහකාර පොලිස් අධිකාරී කාර්යාලයේ සේවය කළ කාන්තා පොලිස් කොස්තාපල්වරියකට කොරෝනා වයිරසය වැළඳීමත් සමඟ පොලිස් නිලධාරීන් 41 දෙනකු ඇතුළු 73 දෙනෙකු අද (17)දින නිරෝධායන මධ්‍යස්ථාන වලට යොමු කළ බව නුගේගොඩ පොලිස් කොට්ඨාසයේ පොලිස් නිලධාරියකු පවසයි.
මේ අතර සහකාර පොලිස් අධිකාරි කාර්යාලයේ නිලධාරීන් 30 දෙනෙකු,හෝමාගම පොලිසියේ නිලධාරීන් 11 දෙනෙකු සහ පොලිස් කොස්තාපල්වරියගේ සමීපතමයින් 30 දෙදෙනෙකු වන බව පවසයි.
කන්දකාඩු නිරෝධායන මධ්‍යස්ථානයේ උපදේශකවරයකු හැටියට සේවය කරන අතරතුර කොරෝනා වයිරසය වැළඳුණු පුද්ගලයාගේ මව සහකාර පොලිස් අධිකාරී කාර්යාලයට අනුයුක්තව පොලිස් කොස්තාපල්වරියක හැටියට සේවය කරන අතරතුරදී කොරෝනා වයිරසය වැළඳීමත් සමඟ ඇයගේ සමීපතමයින් 30 දෙදෙනෙකු මෙසේ නිරෝධායන මධ්‍යස්ථානයට යොමුකිරීමට පියවර ගැන තිබුණි .
ඒ අනුව ඇය සේවය කළ පොලිස් අධිකාරී කාර්යාලයේ 30 දෙනෙකු හබරාදුව නිරෝධායන මධ්‍යස්ථානයටද, ඔවුන් සමඟ ආශ්‍රය කළ හෝමාගම පොලිසියේ නිලධාරීන් 11 දෙනකු ද බියගම නිරෝධායන මධ්‍යස්ථානයකට යොමුකළ බව උසස් පොලිස් නිලධාරියා පවසයි.