World

ලෝක බලවතුන්ගේ විරෝධය මැද ජනප්‍රිය මල්ලව පොර ශුරයාට එරෙහිව මරණ දඬුවම ක්‍රියාත්මක වෙයි

මරණ දඬුවමට යටත්ව සිටි ඉරානයේ ජනප්‍රිය මල්ලව පොර ශුරයෙකු වන “නවීඩ් අෆ්කාරීට” එරෙහිව අද එම දඬුවම ක්‍රියාත්මක කළ බව එරට රජයේ ප්‍රවෘත්ති සේවය වන IRNA ප්‍රවෘත්ති සේවය වාර්තා කර සිටිනවා.

ඒ, 2018 වර්ෂයේදී ඉරාන රජයට එරෙහිව දියත් වූ විරෝධතාවක්‍ අතරවාරයේ දී එරට ජල සම්පාදන මණ්ඩල කාර්යාලයේ මුරකරුවෙකු ලෙස කටයුතු කළ හසන් ටුක්මාන් නමැති පුද්ගලයෙකු ඝාතනය කිරිමේ චෝදනාව සම්බන්ධවයි.

ඉරානයේ ජනප්‍රිය මල්ලව පොර ශුරයෙක් වන නවීඩ් අෆ්කාරිට එරෙහිව මරණ දඬුවම ක්‍රියාත්මක නොකරන ලෙස අමෙරිකානු ජනාධිපති ඩොනල්ඩ් ට්‍ර්ම්ප් ඇතුළු ලෝක බලවතුන් සහා ක්‍රීඩා සංවිධාන රැසක් ඉල්ලීම් සිදුකර තිබුණු පසුබිමක ඉරාන රජය විසින් එම මරණ දඬුවම අද දිනයේදී ෂිරාස් බන්ධනාගාරයේදී ක්‍රියාත්මක කළ බවයි එරට අධිකරණ අමාත්‍යාංශය නිවේදනය කර සිටියේ.

මල්ලව පොර ශුර නවීඩ් අෆ්කාරි ප්‍රකාශ කර සිටියේ තමන් කිසිදු වැරැද්දක් සිදුකර නොමැති බවත් අසත්‍ය ප්‍රකාශයක් ලබා දෙන ලෙස ඉල්ලා තමන්ට වද හිංසා පැනවූ බවයි.

කෙසේ වෙතත් ඉරාන අධිකරණය නවීඩ් එල්ල කළ හිංසන චෝදනා අසත්‍ය බවට ප්‍රකාශ කළ අතර ඔහු මනුෂ්‍ය ඝාතනයක් සිදුකළ අයෙක් ලෙස නම් කොට මරණ දඬුවම නියම කරනු ලැබුවා.

නවිඩ් අෆ්කාරී ගේ අතින් ඝාතනය වූ බව කියන පුද්ගලයා ගේ පවුලේ ඥාතින් ඊට අදාළ වන්දි මුදල් හෝ සමාව ලබාදීමට සුදානම් නොමැති බව දැන්වීමත් සමග නවීඩ් එරෙහිව පැනවූ මරණ දඬුවම ස්ථිර වුවා.

නවීඩ් අෆ්කාරිට එරෙහිව මරණ දඬුවම ක්‍රියාත්මක කිරිමත් සමග ඉරානයට ඉදිරියේදී ජාත්‍යන්තර ක්‍රීඩා තරග වලට සහභාගී වීමේ ගැටළුවක් පැන නැගී තිබෙනවා. 

ඒ සාමාජිකයින් 85,000 කට අධික සංඛ්‍යාවක් හිමි ලෝක ක්‍රීඩක ක්‍රීඩිකාවන් ගේ සම්මේලනය පසුගියදා අනතුරු අඟවමින්ය.

Related posts

2023 වෛද්‍ය විද්‍යා නොබෙල් ත්‍යාගය ‘කොවිඞ් 19’ එන්නත හැදූ විද්‍යාඥයන්ට

Admin

රටවල් හතරක් කටාරය සමග සියළු සබදතා අතහරී..

colombotoday

ෂැංහායි ඩිස්නිලන්තය වසා දමයි

colombotoday

විනාඩියකින් කොවිඩ් ආසාදිතයෙක් හදුනා ගන්න උපකරණයක් සිංගප්පුරුවෙන් සොයා ගනී

colombotoday

උතුරු කොරියානු නායකයාට පර්යේෂනණාත්ම එන්නකක් චීනයෙන් එන්නත් කරයි

colombotoday

කම්කරුවන් පිරිසක් ඉස්ලාමීය රාජ්‍ය ත්‍රස්තවාදීන් වෙඩි තබා ඝාතනය කරයි.

colombotoday