ප්‍රබල පාතාල නායක මාකදුරේ මදූෂ් නමැත්තා සමග විසි දෙනෙකු ඩුබායිහීදි එරට පොලිසිය මගින් අත්අඩංගුවට ගෙන ඇත.
අද අළුයම හෝටලයක රැදී සිටියදී අත්අඩංගුවට පත්වූ මොවුන් සන්තකව තිබී කොකේන් නමැති මත්ද්‍රව්‍ය තොගයක්ද සොයාගෙන ඇත.
අත්අඩංගුවට පත්වූවන් අතර ජනප්‍රිය ගායක අමල් පෙරේරාද සිටිනු ඡායාරූපවල දැකගත හැකිය.
කෙසේ වෙතත් බරපතල අපරාධ රැසකට සම්බන්ධ මාකදුරේ මදූෂ් නමැත්තා වහාම මෙරටට ගෙන ඒමට කටයුතු කරන්නැයි ජනාධිපති මෛත්‍රීපාල සිරිසේන මහතා අදාල අංශවලට දන්වා ඇති බව ජනාධිපති ලේකම් කාර්යාල ආරංචි මාර්ග සදහන් කරයි.
ඩුබායි නීතිය අනුව මත්කුඩු ළග තබා ගැනීම අනිවාර්ය මරණ දඩුවම හිමිවන වරදකි. සමාජ ජාලාවල අදහස් පලකර ඇති බොහෝ දෙනෙකු සදහන් කර ඇත්තේ, මෙම පිරිසද ලංකාවට ගෙන ආවොත් ඇපමත නිදහස් වීමට බොහෝදුරට ඉඩකඩ ඇති බවයි.
මෙරට අංක එකේ කුඩු ජාවාරම්කරුවා ලෙස හැදින්වූ මොහොමඩ් සිද්ධික් නමැත්තාද පසුගිය දා ඇපමත නිදහස් කෙරිණි.